Fattaroo 20:21 - Songhai de Gao Bible

²¹ Jamaa kay nongu mooro ra. Musa man duula bibi tik kaŋ ra Irkoy cindi.

Fattaroo 20:21 ပူးပေါင်းရင်းမြစ်များ

Kokoyey 1na 8:12

Waatoo din Sulaymaana nee: «Abadantaa, ni ka nee kaŋ nʼsi goro kala kubay bibi tik ra.

Taarikey 2to 6:1

Waatoo din Sulaymaana nee: «Abadantaa, ni ka nee kaŋ nʼsi goro kala kubay bibi tik ra.

Zaburey 104:2

Nʼga annuura daŋ ni ga sanda darbay beeri, nʼga beenaa daaru sanda kunta.

Zaburey 18:12

A na kubaa tee nongoo kaŋ ra a ga tugu, a tee a se tende, a nʼa tee hari kubayanteyaŋ nda duula komanteyaŋ.

Zaburey 18:9

Dullu no ma hun niiney ra, nuune kaŋ ga wiiya ga hun miɲoo ra, denji cirayyaŋ ga hun a ra.

Zaburey 97:2

Duula nda kubay koma gʼa kuubi kʼa bere, šerretaray nda cimi ti nga kokoytaraa asaasoo.

Fattaroo 19:3

amma Musa žigi ka koy Irkoy do. Abadantaa nʼa cee tondi hondoo boŋ ka nee a se: «Ma nee Yakuba hugoo borey se, ma bayrandi Izirayel borey se ka nee:

Alhukumoo 5:22

Šenney wey, Abadantaa manʼi har kala war jamaa kul se tondi hondoo boŋ, nuunaa game, duulayaŋ nda kubay bibi tik, nda jinde beeri bila nda šenni kul ma tonton i ga. A nʼi hantum tondi walha hinka ga kʼi noo ya ne.»

Alhukumoo 5:5

Waatoo din, ay kay Abadantaa nda war game ka Abadantaa šennoo har war se, zama war ga hunbur nuunaa, de war mana žigi hondoo boŋ. Abadantaa nee:

Timote bataga 1na 6:16

Nga kaŋ hinne ka si buu, a ga goro gaay ra kaŋ do boro kul si hin ka too, boro kul mana bay ka dii a, i si hin ka dii a mo. Beeray nda hini abadante ma bara a ga. Amin.