Fattaroo 20:12 - Songhai de Gao Bible

¹² Ma ni baabaa nda ni ɲaa beerandi hala ma duu aloomur gandaa ra kaŋ Abadantaa, ni Koyoo gʼa noo ma ne.

Fattaroo 20:12 ပူးပေါင်းရင်းမြစ်များ

Šintinoo 48:12

Isufi nʼi kaa nga baabaa cewey boŋ, a na nga ndumoo sinji laboo ra ka gunguma.

Šintinoo 50:12

Izirayel izʼarey nʼa tee nda takaa kaŋ nda a nʼi yaamar.

Kokoyey 1na 2:19

Batšeba koy kokoyoo Sulaymaana do ka nee kaŋ nga ga Adoniya šennoo har a se, kokoyoo tun kʼa kubay ka gunguma a se jina a goro nga kokoy gorodogoo ra. A daŋ i ma gorohaya gorandi nga ɲaa Batšeba se. Ɲaŋoo goro a ga kokoyoo kabe gumaa here

Kokoyey 2to 2:12

Alyasu goo mʼa guna a ga koy, a kaati ka nee: «Ay baabaa, ay baabaa, ni kaŋ a ga hima ni ti Izirayel bari torkawey nda nga bari kaarukey.» Woo banda ga, Alyasu mana yee koyne ka dii Ilyasu. A na nga boŋ jinde bankaarawey dii kʼi kottu ihinka.

Fattaroo 21:15

Boro kaŋ na nga ɲaa wala nga baabaa kar, a waazibi boraa ma wiiyandi.

Fattaroo 21:17

Boro kaŋ na nga ɲaa wala nga baabaa kaynandi, a waazibi boraa ma wiiyandi.

Yaasawey 15:5

Saama mma nga baaba hoyraa kaynandi, boro kaŋ ga lakkal daŋ tejeyan se ga caram.

Yaasawey 17:6

Aru žeeney kokoy fuulaa manʼti kala haamawey, izeyaŋ taalamoo ti baabey.

Yaasawey 20:20

Boro kaŋ na nga ɲaa nda nga baaba danga, nga fitillaa ga buu kubaa ra.

Yaasawey 28:24

Boro kaŋ na nga baaba wala nga ɲaa kabey koonandi de a ga nee: «Manʼti goy futu no», boraa nda kayrakaw kul ti affoo.

Yaasawey 3:16

Aloomur goo nga kabe gumaa ra, alman nda beeray goo nga kabe waawaa ra.

Yaasawey 30:11

Zaman foo alwaddayaŋ goo no kaŋ ga ngi baaba danga, de i si gaara ngi ɲaa se.

Yaasawey 30:17

Boro kaŋ ga nga baaba kašikaši, de a ga nga ɲaa šenney yala, gooroo gaaru-gaarey ga moɲey looti, dutal-izey gʼa ŋaa.

Sargarey 19:3

War affoo kul ma hunbur nga ɲaa nda nga baabaa, war mʼay hunanzamzaarey dii. Agay ti Abadantaa, war Koyoo.

Sargarey 19:32

Ma aladabu hinbiri kaaraykoyni jine, ma boro žeena beerandi, ma hunbur ni Koyoo. Agay ti Abadantaa.

Matiyu 19:19

ma ni ɲaa nda ni baabaa beerandi, de ma baa ni cinaa sanda takaa kaŋ nda nʼga baa ni boŋ.»

Marku 10:19

Nʼga yaamarey bay: ‹Masi boro wii, masi zina, masi zay, masi taari seedetaray tee›, masi boro kul tooɲe, ‹ni ɲaa nda ni baabaa beerandi.›»

Marku 7:10

Zama Musa nka nee: ‹Ni ɲaa nda ni baabaa beerandi.› De mo: ‹Boro kaŋ na nga ɲaa wala nga baabaa kaynandi, a waazibi boraa ma wiiyandi.›

Luka 18:20

Nʼga yaamarey bay: ‹Masi zina, masi boro wii, masi zay, masi taari seedetaray tee, ni ɲaa nda ni baabaa beerandi.›»

Efez borey batagaa 5:21

Wa yee cere cire Almasihu beerandiyan maaganda se.

Alhukumoo 11:8

Yaamaroo kul kaŋ ay gʼa noo ma ne hõ, war mʼa dii, hala war ma duu gaabi ka gandaa dii kaŋ war goo ma bisa ka koy a mayray,

Alhukumoo 11:9

hala war ma duu aloomur gandaa ra kaŋ Abadantaa žee war baabey se kaŋ nga gʼa noo ngi nda ngi hayroo se, gandaa woo kaŋ ra waa nda yuu ga tee hari.»

Alhukumoo 21:18

«Aru kaŋ goo nda izʼaru turante, hiɲešenda kaŋ si haŋajer nga baabaa se, a si haŋajer nga ɲaa se, nda i nʼa hoyray, amma a mana haŋajer i se,

Alhukumoo 25:15

Neeši tondi henna cimi ma bara ma ne, neeši jinay henna cimi ma bara ma ne, hala ma duu ka duu aloomur gandaa ra kaŋ Abadantaa, ni Koyoo gʼa noo ma ne.

Alhukumoo 27:16

Boraa laali kaŋ ga nga baabaa nda nga ɲaa kaynandi. Jamaa kul ga nee: ‹Amin.›

Alhukumoo 32:47

Zama manʼti šenni yaadayaŋ no war se, war hunaroo no. Šennoo woo no ma war noo aloomur laboo ga kaŋ war ga kaa kʼa mayray Žurdeŋ isaa deŋyanoo banda ga.»

Alhukumoo 4:26

aywa, hõ ay ga beenaa nda laboo cee i ma tee war se seede, war ga cahã ka dere gandaa ra kaŋ war gʼa mayray Žurdeŋ isaa deŋyanoo banda ga, war si duu aloomur: war ga halaci sõy.

Alhukumoo 4:40

Ma nga hantumey nda nga yaamarey dii kaŋ nda ay ga ni yaamar hõ, hala ma duu ka duu gomni, ni nda ni izey ni dumaa ga, de mo ma duu aloomur laboo ga kaŋ Abadantaa, ni Koyoo gʼa noo ma ne hala abada.»

Alhukumoo 5:16

Ma ni baabaa nda ni ɲaa beerandi nda takaa kaŋ nda Abadantaa, ni Koyoo na ni yaamar hala ma duu aloomur, ma duu gomni gandaa ra kaŋ Abadantaa, ni Koyoo gʼa noo ma ne.

Alhukumoo 5:33

War ma hanga fondaa kul kaŋ Abadantaa, war Koyoo nʼa yaamar war se, hala war ma duu ka huna, war ma duu gomni, war ma duu aloomur gandaa ra kaŋ war ga kaa kʼa mayray.»

Alhukumoo 6:2

hala ma hunbur Abadantaa, ni Koyoo ni hunaroo kul ra, ni, nda ni izoo, nda izoo izoo ka nga hantumey, nda nga yaamarey kul dii, wey kaŋ agay, ay gʼi har ma ne hala ma duu aloomur.

Kolos borey batagaa 3:20

Zankey, wa maa war hayragey se haya kul ra, zama woo ti haya kaŋ ga kan ir Koyoo se.

Rutti 3:6

Woo banda ga, Rutti tun ka koy farroo kaŋ ra Bowazu ga nga taasoo feetu. De a na takaa kul tee kaŋ nga nzuraa nʼa har a se.

Samiyel 1na 22:3

Dawda hun no din ka koy Mispe kaŋ goo Mowab gandaa ra. A nee Mowab kokoyoo se: «Ay gʼa wiri ni ga, ma naŋ ay ɲaa nda ay baabaa ma koy goro ni do hala waati kaŋ ay na hayaa bay kaŋ Irkoy gʼa tee ya ne.»