Fattaroo 2:23 - Songhai de Gao Bible

²³ Waati kukoo woo ra Misira kokoyoo buu. Izirayel borey hottu, i kaati, de ngi goyoo hottaa kaatiroo ka faaba ceeci žigi ka too Irkoy do.

Fattaroo 2:23 ပူးပေါင်းရင်းမြစ်များ

Šintinoo 16:11

Abadantaa almalaykaa nee a se koyne: «Ni tee alhaamidu, nʼga izʼaru foo daŋ aduɲɲa ra kaŋ nʼga maaɲoo daŋ Isimayel (maanaa ‹Irkoy ga maa›), zama Abadantaa maa ni binekankamyanoo.

Šintinoo 4:10

Irkoy nee a se: «Cin ti woo kaŋ nʼnʼa tee? Ni armaa kuroo na ni wurru za laboo ga hala ay do.

Nehemi 9:9

Ni dii ir hayragey zaraboo Misira, de mo ni maa ngi wurroo Kakaarey teekoo jere.

Ayuba 35:9

Borey ga kaati ngi kankamyan boobey se, borey ga faabayan ceeci ka ngi kaa boŋkoyney hini futaa cire.

Zaburey 102:1

Woo ti boro kaŋ ga taabi Irkoy ŋaarayroo, waati kaŋ binoo hun, de a ga nga huzunoo daaru Abadantaa jine.

Zaburey 102:2

Abadantaa, haŋajer ay ŋaarayroo se, ay faaba ceeci kaatiroo ma too hala ni do!

Zaburey 12:5

borey kaŋ ga nee: «Ir deeney goo nda albarka, ir goo nda ir miɲey, may no ma hin ir?»

Zaburey 18:6

Alaahara karfey nʼay kuubi kʼay bere, buuyan filijey goo ay jine.

Fattaroo 1:14

I na tamtaray šendaa kʼi konnandi aduɲɲa. I ga labu goy, i ga feraw kar, i ga goy dumi kul tee faarey ra. Goyey kul kaŋ ra i nʼi daŋ manʼti kala tamtaray šenda.

Fattaroo 4:19

Abadantaa nee Musa se Majaŋ gandaa ra: «Koy, ma yee Misira, zama arey kul buu kaŋ ceeci ngi ma ni hundoo kaa.»

Fattaroo 6:5

Ay maa mo Izirayel borey kaŋ Misira borey nʼi tee tam hẽenoo. Ay hongu agay amaanaa.

Fattaroo 6:9

Musa na taka follokaa ka šelaŋ Izirayel borey se, amma i mana haŋajer a se takaa kaŋ nda biney hun nda goy šendaa maaganda se.

Fattaroo 7:7

Musa sii nda kala jiiri woyyaaha (80), Haruna goo nda jiiri woyyaaha cindi hinza (83) waatoo kaŋ i ga šelaŋ Firawuuna se.

Kabuyaney 20:16

Ir kaati ka Abadantaa cee, a na haŋajer ir jindey se, a na almalayka sanba kʼir kaa Misira. Ir ne Kadeš kaŋ ti koyra kaŋ goo ni gandaa benantaa ga.

Teegoyey 7:30

Jiiri woytaaci (40) banda ga, Sinay tondi hondoo saajoo ra almalayka foo bangay a se saabayɲaa foo kaŋ ga dii nuunaa deenoo ra.

Alhukumoo 24:15

Mʼa noo nga zaaroo goyhayoo za waynaa mana kaŋ, zama talka no, a ga too a ga. Nda manʼti woo, a ga kaati ka Abadantaa cee ni ga, de nʼga duu zunubu.»

Žak batagaa 5:4

Nga ne, goykey kaŋ goy war faarey hegaa ra, war na ngi banaa dii, banaa kaati, hegaykey kaatoo huru hala ir Koyoo, Aduɲɲakoyoo haŋaa ra.

Alkaaley 4:3

Izirayel borey kaati ka Abadantaa cee, zama bari torka zangu yagga (900) bara Yabin se, Yabin na Izirayel borey torro torro dumi kul jiiri waranka (20).

Samiyel 1na 12:8

Waatoo kaŋ Yakuba kaa Misira, war baabey kaati ka Abadantaa cee, Abadantaa na Musa nda Haruna sanba kaŋ na war baabey fattandi Misira kʼi gorandi nongoo woo ra.

Samiyel 1na 9:16

«Suba dimmaa woo da ga, ay ga Benžameŋ gandaa boro sanba ni do, ma jii kʼa yon hala a ma tee boŋkoyni Izirayel, ay jamaa se. A gʼay jamaa hallasi Filisti borey kabey ra. Zama ay dii ay jamaa hayaa kaŋ ra i goo, ngi kaatiroo too kate hala ay do.»