Fattaroo 19:20 - Songhai de Gao Bible

²⁰ Abadantaa zunbu Sinay tondi hondoo ga, tondi hondoo boŋoo boŋ. Tondi hondoo boŋoo boŋ Abadantaa ciya Musa se, Musa žigi.

Fattaroo 19:20 ပူးပေါင်းရင်းမြစ်များ

Kokoyey 1na 19:11

Abadantaa nee: «Fatta ka kay tondi hondoo boŋ agay, Abadantaa jine.» Abadantaa kaa ka bisa. Hew beeri gaabikoyni tun ka tondi hondey waaru, ka tondey kayri-kayri Abadantaa jine. Amma Abadantaa sii hewoo ra. Hewoo banda ga, laboo jijiri, amma Abadantaa sii labu jijiroo ra.

Nehemi 9:13

Ni zunbu Sinay tondi hondoo boŋ, ni goo beenaa ra ka šelaŋ i se, nʼna hantum šerranteyaŋ kaŋ kayandi dunbu i se nda ašariya cimikoyniyaŋ, nda hantumyaŋ, nda yaamar hennayaŋ.

Zaburey 81:7

«Ay na jeraw zaa jesey ga, kabey hun kokondaa cire.

Fattaroo 19:11

I ma soolu jirbi hinzantoo se, zama jirbi hinzantoo ra Abadantaa ga zunbu Sinay tondi hondoo ga jamaa kul jine.

Fattaroo 19:3

amma Musa žigi ka koy Irkoy do. Abadantaa nʼa cee tondi hondoo boŋ ka nee a se: «Ma nee Yakuba hugoo borey se, ma bayrandi Izirayel borey se ka nee:

Fattaroo 24:15

Musa žigi tondi hondoo boŋ, duulaa na hondoo daabu.

Fattaroo 24:18

Musa huru duulaa gundoo ra ka žigi tondi hondoo boŋ. Musa cindi hondoo boŋ zaari woytaaci (40) nda cijin woytaaci (40).

Fattaroo 34:2

Soolu suba subbaahi se, za subbaahi ma žigi Sinay tondi hondoo boŋ ka kay ay jine, hondoo boŋoo ga.

Fattaroo 34:4

Musa na tondi walha hinkaa hoy sanda ijinawey. A biya ka tun, a žigi Sinay tondi hondoo boŋ sanda takaa kaŋ nda Abadantaa nʼa yaamar. A na tondi walha hinkaa zaa nga kaboo ra.

Alhukumoo 33:2

A nee: «Abadantaa hun Sinay tondi hondoo do ka kaa, a tun Seyir ka koy i do. Paraŋ tondi hondoo boŋ a bangay nga daržaa ra, a fatta boro henanante zenber woy woyyaŋ ra. Nga kabe gumaa ga a na ašariyaa kaŋ ga dii ma nee nuune sanba i se.

Alhukumoo 9:9

Waatoo kaŋ ay žigi tondi hondoo boŋ ka tondi walhawey zaa, amaanaa kaŋ Abadantaa nʼa daŋ nga nda war game walhawey, ay cindi tondi hondoo boŋ zaari woytaaci (40) nda cijin woytaaci (40), ay mana ŋaayan ŋaa, ay mana hari haŋ.