Fattaroo 19:19 - Songhai de Gao Bible

¹⁹ Hilloo jindoo mma koy de a ga beeri, Musa ga šelaŋ, Irkoy gʼa zaabi jiŋjiŋyan ra.

Fattaroo 19:19 ပူးပေါင်းရင်းမြစ်များ

Nehemi 9:13

Ni zunbu Sinay tondi hondoo boŋ, ni goo beenaa ra ka šelaŋ i se, nʼna hantum šerranteyaŋ kaŋ kayandi dunbu i se nda ašariya cimikoyniyaŋ, nda hantumyaŋ, nda yaamar hennayaŋ.

Zaburey 81:7

«Ay na jeraw zaa jesey ga, kabey hun kokondaa cire.

Fattaroo 19:13

Kabe kul masi tuku boraa ga, amma i mʼa warra nda tondi kʼa wii wala i mʼa hay nda yaaji. A ma tee adabba wala boro, a masi huna. Waati kaŋ hilloo na hẽeni kuku tee, i ma žigi tondi hondoo ga.»

Fattaroo 19:16

Jirbi hinzantoo hane, kaŋ moo boo, jiŋjiŋyaŋ, nda meliyaŋ, nda duula kubayante goo tondi hondoo boŋ, hilli jinde beeri hẽe. Alžamaa kul kaŋ goo jamaa kaloo ra jijiri.

Kabuyaney 12:8

Ay ga šelaŋ a se mee nda mee, bangayyan ra, ay si šenni daabu a se. A ga dii Abadantaa azzaatoo. Adiši macin se war mana hunbur ka šelaŋ Musa ga, ay tamoo ga?»

Alhukumoo 4:36

A na ni mandi nga jindoo kaŋ hun beenaa ra ka ni cawandi. Laboo ga, a na ni cebe nga nuune beeroo, nuunaa gamoo ra, ni maa nga šenney.

Alhukumoo 5:22

Šenney wey, Abadantaa manʼi har kala war jamaa kul se tondi hondoo boŋ, nuunaa game, duulayaŋ nda kubay bibi tik, nda jinde beeri bila nda šenni kul ma tonton i ga. A nʼi hantum tondi walha hinka ga kʼi noo ya ne.»

Eberewey batagaa 12:19

war mana maa laati beeroo jindoo, war mana maa boro jinde. Borey kaŋ maa jindoo nee jindoo masi yee ka šelaŋ ngi se koyne.

Eberewey batagaa 12:21

Hayaa kaŋ i dii a hanse kʼi hunburandi hala nongu kaŋ ra Musa nee: «Ay hanse ka hunbur hala ya mma jijiri.»