Fattaroo 19:18 - Songhai de Gao Bible

¹⁸ Sinay tondi hondoo kul ka tee dullu, zama Abadantaa mana zunbu kala nuune ra. Dulloo žigi ni mma nee alforon beeri dullu. Tondi hondoo kul hanse ka jijiri.

Fattaroo 19:18 ပူးပေါင်းရင်းမြစ်များ

Šintinoo 11:5

Abadantaa zunbu ka dii koyraa nda soorohugu kukoo kaŋ adamizey nʼi cin.

Šintinoo 15:17

Waatoo kaŋ waynaa kaŋ, kubaa beeri, de alforon foo ga dullu, nuune ga fatta a ra ka koy huru alman foorantey game.

Šintinoo 19:28

A na Sodom, nda Gomor, nda laamaa gandaa kul honnay, de a ga dii dullu beeri kaŋ ga tun gandaa boŋ kaŋ ga hima nda alforon dullu.

Nehemi 9:13

Ni zunbu Sinay tondi hondoo boŋ, ni goo beenaa ra ka šelaŋ i se, nʼna hantum šerranteyaŋ kaŋ kayandi dunbu i se nda ašariya cimikoyniyaŋ, nda hantumyaŋ, nda yaamar hennayaŋ.

Zaburey 104:32

A ga laboo guna, laboo ga jijiri, a ga tuku tondi hondey ga, i ga dullu.

Zaburey 114:4

Tondi hondey ga sar-sar sanda gaaruyaŋ, hondey ga sar-sar sanda alman buuna.

Zaburey 114:7

Laboo, jijiri ir Koyoo jine! Laboo, jijiri Yakuba Koyoo jine

Zaburey 144:5

Abadantaa, ni beenaa šiirandi, ma zunbu, tuku tondi hondey ga i ma dullu.

Zaburey 18:9

Dullu no ma hun niiney ra, nuune kaŋ ga wiiya ga hun miɲoo ra, denji cirayyaŋ ga hun a ra.

Zaburey 68:9

laboo ga jijiri, beenaa ga ncirɲi loti-loti Irkoy jine, kaŋ ti Sinay tondi hondoo Koyoo, Irkoy, Izirayel Koyoo jine.

Zaburey 77:18

Duulawey na hari doori, beenaa hirroo na jinde kaataray, ni biraw-izey deeši nongoo kul here.

Zaburey 77:19

Ni jiŋjiŋoo kaatiroo goo hewkuroo ra, meliyaŋ ga gaay noo aduɲɲa se, laboo jijiri hunburay se.

Fattaroo 19:13

Kabe kul masi tuku boraa ga, amma i mʼa warra nda tondi kʼa wii wala i mʼa hay nda yaaji. A ma tee adabba wala boro, a masi huna. Waati kaŋ hilloo na hẽeni kuku tee, i ma žigi tondi hondoo ga.»

Fattaroo 19:17

Musa na jamaa ka fatta ka koy Irkoy kubay jamaa kaloo dumaa ga. I kay tondi hondoo cire.

Fattaroo 20:18

Jamaa kul maa jiŋjiŋyanoo, i dii nuune deeney, i maa hilloo jindoo, i dii tondi hondoo kaŋ ga dullu. Kaŋ jamaa dii wey, i jijiri, i kay nongu mooro ra.

Fattaroo 24:17

Abadantaa daržaa tee Izirayel borey moɲey cire ma nee nuune kaŋ ga gona kaŋ ga dii tondi hondoo boŋoo ga.

Fattaroo 3:2

Abadantaa almalaykaa bangay a se nuune deene ra, saabayɲaa game. A ga saabayɲaŋoo guna, nga ne, a ga dii, amma nuunaa si saabayɲaŋoo diinandi.

Fattaroo 34:2

Soolu suba subbaahi se, za subbaahi ma žigi Sinay tondi hondoo boŋ ka kay ay jine, hondoo boŋoo ga.

Matiyu 24:7

Ganda foo ga tun ka ganda foo wongu, laama foo ga tun ka laama foo wongu. Herayyaŋ nda labu jijiriyaŋ ga tee nongu boobo ra.

Alhukumoo 33:2

A nee: «Abadantaa hun Sinay tondi hondoo do ka kaa, a tun Seyir ka koy i do. Paraŋ tondi hondoo boŋ a bangay nga daržaa ra, a fatta boro henanante zenber woy woyyaŋ ra. Nga kabe gumaa ga a na ašariyaa kaŋ ga dii ma nee nuune sanba i se.

Alhukumoo 4:36

A na ni mandi nga jindoo kaŋ hun beenaa ra ka ni cawandi. Laboo ga, a na ni cebe nga nuune beeroo, nuunaa gamoo ra, ni maa nga šenney.

Alhukumoo 5:22

Šenney wey, Abadantaa manʼi har kala war jamaa kul se tondi hondoo boŋ, nuunaa game, duulayaŋ nda kubay bibi tik, nda jinde beeri bila nda šenni kul ma tonton i ga. A nʼi hantum tondi walha hinka ga kʼi noo ya ne.»

Alhukumoo 5:4

Abadantaa šelaŋ war se mee nda mee tondi hondoo boŋ nuunaa game.

Tesalonik borey bataga 2to 1:7

ka war kaŋ ga zarabi noo alaafiya ir bande. Woo ga teendi han kaŋ ir Koyoo Isa bangay beenaa ra, nga, nda nga almalayka gaabikoyney

Tesalonik borey bataga 2to 1:8

nuune beeri ra, ka borey zukandi kaŋ si Irkoy bay, nda wey kaŋ mana yadda ir Koyoo Isa Alhabar Boryaa ga.

Eberewey batagaa 12:18

War mana too tondi hondoo do kaŋ ga boro ga hin ka tuku, war mana too nuunaa kaŋ ga dii do, war mana too kubaa do, war mana too kubay beeroo do, war mana too hewkuroo do,

Eberewey batagaa 12:26

Nga kaŋ jindoo ga laboo jijirandi, amma sohõ a na allaahidu zaa ka nee: «Manʼti laboo hinne no ay ga yee koyne kʼa jijirandi, ay ga beenaa mo jijirandi.»

Piyer bataga 2to 3:10

Woo kul, ir Koyoo zaaroo ga kaa sanda zay. Hanoo din, beenawey ga dere nda hoolo beeri. Hayey kaŋ goo i ra ga menne. Gandaa nda hayey kaŋ ga tee a ra ga ciitandi.

Bangandiroo 15:8

Irkoy hugoo too nda dullu kaŋ ti Irkoy daržaa nda nga hinoo tammaasa. Boro kul si hin ka huru Irkoy hugoo ra hala waati kaŋ almalayka iyyaa balaawu iyyaa ben.

Bangandiroo 9:2

Handaraa na guusoo feeri, dullu ga tun guusoo ra ni mma nee alforon beeri dullu. Guusoo dulloo na waynaa nda hewoo bibandi.

Alkaaley 5:5

Tondi hondey žititi Abadantaa jine, Sinay wanoo mo jijiri Abadantaa, Izirayel Koyoo jine.