Fattaroo 18:8 - Songhai de Gao Bible

⁸ Musa na takaa filla nga nzuraa se kaŋ Abadantaa nʼa tee Firawuuna nda Misira se Izirayel maaganda, nda faraa kul kaŋ duu ngey fondaa ra, nda takaa kaŋ nda Abadantaa na ngi kaa kabe ra.

Fattaroo 18:8 ပူးပေါင်းရင်းမြစ်များ

Šintinoo 44:34

Taka foo nda ay ga hin ka žigi ka koy ay baabaa do nda zankaa sii ay bande? Yala ya si dii bonaa kaŋ gʼay baabaa kar!»

Nehemi 9:32

Sohõ ir Koyoo, Irkoy beeroo, Hinikoyoo kaŋ ti hunburhaya, ni kaŋ ga amaana too, kaŋ ga borohennataray tee, zaraboo kaŋ duu ir, nda ir kokoyey, nda ir boŋkoyney, nda ir sargari juwalkey, nda ir annabey, nda ir baabey, nda ni jamaa kul za Asiri kokoyey waati hala hõ, masʼa guna sanda haya kaccu.

Zaburey 106:10

A nʼi hallasi kʼi kaa borey kaŋ ga konna ey kabey ra, a nʼi hoobu kʼi kaa iberoo kaboo ra.

Zaburey 106:8

Amma a nʼi hallasi nga maaɲoo maaganda se, hala nga ma nga hinoo cebe.

Zaburey 107:2

Yala borey kaŋ Abadantaa nʼi feeri mʼa har, wey kaŋ a nʼi feeri kʼi kaa torrokaa kaboo ra,

Zaburey 66:16

War kul kaŋ ga hunbur Irkoy, wa kaa ka maa hayaa kaŋ Irkoy nʼa tee ay hundoo se.

Zaburey 81:7

«Ay na jeraw zaa jesey ga, kabey hun kokondaa cire.

Fattaroo 15:16

Jitiyan nda hunburay kaŋ i boŋ. Ni kabe gaabantaa jine i tee suk ma nee tondi, i si hin ka šelaŋ hala waati kaŋ ni jamaa ga dira ka bisa, Abadantaa, hala waati kaŋ ni jamaa kaŋ nʼnʼa sawal, dira ka bisa.

Fattaroo 15:6

Abadantaa, ni kabe gumaa na ni hinoo cebe. Abadantaa, ni kabe gumaa ka iberoo motti.

Fattaroo 16:3

Izirayel borey nee i se: «Nda ba ir nka buu Abadantaa kaboo ra Misira gandaa ra, kaŋ ir ga goro ham hina kusey jere, ir ga takula ŋaa hala ir ma kungu! War nʼir ka kaa saajoo woo ra ka jamaa woo kul naŋ i ma buu nda heray.»

Fattaroo 18:1

Žetro, Majaŋ gandaa sargari juwalkaw, Musa nzuraa, maa hayaa kul kaŋ Irkoy nʼa tee Musa nda Izirayel Irkoy jamaa se, maanaa takaa kaŋ nda Abadantaa na Izirayel fattandi Misira.

Fattaroo 2:25

Irkoy na Izirayel borey guna, a dii ngi takaa.

Fattaroo 23:23

Waati kaŋ ay almalaykaa huru ni jine ka ni ka koy Amor borey do, nda Heti borey do, nda Ferezi borey do, nda Kanaŋ borey do, nda Hewi borey do, nda Žebus borey do, ay gʼi derandi.

Fattaroo 4:23

Ay nee ma ne: ‘Ay izʼaroo naŋ hala a ma koy sargari kaa ya ne. Nda ni wanji kʼa naŋ a ma koy, nga ne, ay ga ni izʼaroo wii, ni ize jinaa.’”›»

Fattaroo 7:4

Firawuuna si haŋajer war se, ay gʼay kaboo šerre Misira ga, ay gʼay wongu-izey, ay jamaa, Izirayel borey fattandi Misira gandaa ra nda ciiti beeriyaŋ.

Fattaroo 7:5

Misira borey ga kaa ka bay kaŋ agay ti Abadantaa waati kaŋ ay nʼay hinoo cebe Misira ga, de ay na Izirayel borey fattandi i game.»

Kabuyaney 20:14

Musa na dontokawyaŋ sanba ka hun Kadeš ka koy Edom kokoyoo do, i ma nee a se: «Ni armaa Izirayel nee: ‹Nʼga šendawey kul bay kaŋ duu ir.