Fattaroo 16:15 - Songhai de Gao Bible

¹⁵ Izirayel borey dii a, i na cere hãa ka nee: «Macin ti woo?» Zama i mana bay haya kaŋ no. Musa nʼi zaabi ka nee: «Takulaa no kaŋ Abadantaa nʼa noo a ma tee war se ŋaayan.

Fattaroo 16:15 ပူးပေါင်းရင်းမြစ်များ

Nehemi 9:15

Waatoo kaŋ i heray, nʼnʼi noo ŋaayan kaŋ hun beenaa ra waatoo kaŋ i jaw, nʼna hari fattandi i se tondoo ra, ni nee i se i ma huru ka gandaa mayray kaŋ nʼna kabe jer ka žee kaŋ nʼgʼa noo i se.

Nehemi 9:20

Nʼna ni Hundi hennaa kʼi noo fahamay, mana ŋaahayaa kaŋ se i ga nee man ganji i se i mʼa ŋaa, nʼnʼi noo hari waatoo kaŋ i jaw.

Zaburey 105:40

I nʼa ŋaaray, a na jerfendayyaŋ sanba i se, a nʼi kungandi nda beenaa ŋaahaya.

Zaburey 78:24

A na man zumandi i ga sanda ncirɲi i mʼa ŋaa, a nʼi noo beenaa taasoo.

Fattaroo 16:31

Izirayel hugoo borey na ŋaahayaa din maaɲoo daŋ «man». A ga hima nda hayni gurunbu. A ga kaaray, nga tenbaa ga hima nda furme kaŋ teendi nda yuu.

Fattaroo 16:33

Woo banda ga, Musa nee Haruna se: «Jinay foo zaa, mʼa too nda man liitar taaci, mʼa jisi Abadantaa jere, hala ma man jisi war alwaddawey se.»

Fattaroo 16:4

Abadantaa nee Musa se: «Ay ga ŋaayan tee ncirɲi ka hun beenaa ra kʼa doori war boŋ. Zaari kul jamaa ga fatta ka ngi zaaroo ŋaahayaa kuuna hala yʼi sii ka dii wala i ga agʼašariyaa dii wala i sʼa dii.

Yaasawey 9:5

«Wa kaa, ir ma ŋaa, ir ma alaneb hari mooraa kaŋ ay nʼa hanse haŋ.

Kabuyaney 21:5

I šelaŋ Irkoy nda Musa ga ka nee: «Cin se war gʼir žigandi ka hun Misira? Hala ir ma buu saajoo woo ra wala? Zama ŋaayan sii ne, hari sii ne, ir biney hun nda ŋaayan takaa-takaa woo.»

Luka 12:30

Zama hayey wey kul aduɲɲa kutakey no mʼi ceeci. Amma war Baabaa Irkoy ga bay kaŋ war ga too i ga.

Yehiya 6:49

War kaagey na man ŋaa saajoo ra, i buu.

Yehiya 6:58

Woo ti ŋaahayaa kaŋ zunbu ka hun beenaa ra. Manʼti war kaagey kaŋ na man ŋaa, i buu, takaa no. Boro kaŋ na ŋaahayaa woo ŋaa ga huna hala abada.»

Korent borey bataga 1na 10:3

I kul na ŋaayan follokaa ŋaa kaŋ Irkoy nʼa noo,

Alhukumoo 8:16

A na ni ŋandi saajoo ra man kaŋ ni baabey sʼa bay, hala nga ma ni yeeti ganda, ka ni sii, ka ihenna tee ma ne woo banda ga.

Alhukumoo 8:3

A na ni yeeti ganda, a na ni herayandi, a na ni huna nda ŋaahayaa kaŋ se i ga nee man kaŋ manʼa bay, ni baabey manʼa bay, hala nga ma ni bayrandi kaŋ manʼti ŋaayan hinne nda adamize ga huna, amma adamize si huna nda kala haya kul kaŋ hun Abadantaa miɲoo ra.

Eberewey batagaa 9:4

Dugu dullandidogoo kaŋ i nʼa tee nda wura goo a ra, nda sunduku kaŋ kuubi ka berandi nda wura kaŋ ga amaanaa cebe kaŋ huru Irkoy nda nga jamaa game, nga ra wura kusoo goo kaŋ ra ŋaahayaa kaŋ se i ga nee man goo, nda Haruna goboo kaŋ bagu ka zay, nda tondi walhawey kaŋ ga amaanaa šenney hantumandi.

Žozuwe 5:12

Subaa ra, ŋaahayaa kaŋ se i ga nee man kay waatoo kaŋ i šintin ka gandaa ŋaayaney ŋaa. Izirayel borey mana yee ka duu man. Jiiroo din Kanaŋ gandaa ŋaayaney no i nʼi ŋaa.

Bangandiroo 2:17

Boro kaŋ goo nda haŋa ma maa hayaa kaŋ Irkoy Hundoo gʼa har Egilizey se! Boro kaŋ hin, ay gʼa noo ŋaahayaa kaŋ se i ga nee man tugantaa. Ay gʼa noo tondi kaaray, tondoo woo maa taaga ka hantumandi a ga, boro kul sʼa bay nda manʼti boro kaŋ ga duu a.»