Fattaroo 15:21 - Songhai de Gao Bible

²¹ Maryama ga tuuru ka nee i se: «Wa don Abadantaa maaɲoo ga, a na nga hinoo cebe. Baryoo nda nga kaarukaa, a nʼi warra teekoo ra.»

Fattaroo 15:21 ပူးပေါင်းရင်းမြစ်များ

Samiyel 2to 1:20

A masi harandi Gat ra, war masi koy nda alhabaroo Aškeloŋ lolawey ra. Nda manʼti woo, Filisti ize woyey ga ɲaali, Filisti jofolowey wey ize woyey ga yafarhã.

Samiyel 2to 6:14

Dawda ga gan nda nga gaaboo kul Abadantaa jine. Beene kaayi-ize kaŋ teendi nda leŋ kaŋ ga hima nda sargari juwalkaw kaayi goo Dawda ga.

Taarikey 2to 5:13

Waatoo kaŋ laati beeri karkey, nda donkey jindey marga ka tee affoo ka Abadantaa saabu ka albarka daŋ a se, i na jinde jer ka ngi laati beerey hẽenandi, nda guurey kaŋ ga kara-kara, nda hooray jinawey jerey kar ka Abadantaa saabu ka nee: «Nda cimi, Abadantaa ga boori, nga borohennataraa si ben abada!» Alwaatoo din da ra, Abadantaa hugoo too met nda duula.

Zaburey 76:6

Gaabikoyney koonandi, i kaŋ jirbi ra, wongaari beerey kul albarkawey ben.

Fattaroo 15:1

Waati follokaa ra Musa nda Izirayel borey na doonoo woo don Abadantaa maaɲoo ga. I nee: «Ay ga don Abadantaa maaɲoo ga, zama a na nga hinoo cebe, baryoo nda kaarukaa, a nʼi warra teekoo ra.

Fattaroo 15:4

A na Firawuuna bari torkawey nda nga wongu-izey warra haroo ra. Wongu-ize jalakoyni suubantey yoole Kakaarey teekoo ra.

Bangandiroo 14:3

I ga dooni taaga don kokoy gorodogoo jine, nda hundikoyni taacaa jine, nda boro beerey jine. Boro kul si hin ka doonoo din denden nda manʼti boro zenber zangu nda zenber woytaaci cindi taacaa (144.000) hinne kaŋ dayandi ka kaa kabe ra laboo ga.

Bangandiroo 15:3

I ga Musa, Irkoy tamoo doonoo, nda Feeji-izoo doonoo don ka nee: «Ir Koyoo Irkoy, Hini-kul-koyoo, ni teegoyey ga beeri, i ga kayfandi. Gandawey Kokoyoo, ni fondawey ga šerre, cimiyaŋ no!

Bangandiroo 5:9

I ga dooni taaga don ka nee: «Nʼga hima nda ka citaaboo dii ka nga tammaasawey hawarey feeri, zama ni koosandi, nʼna ni kuroo ka boro alkabiila kul, nda šenni kul, nda jama kul, nda ganda kul day Irkoy se.

Alkaaley 5:3

Kokoyey, wa maa, boŋkoyney, wa haŋajer! Agay, Abadantaa se, nhuu, agay, ay ga bayti don. Ay ga zabur don Abadantaa, Izirayel Koyoo se.

Samiyel 1na 18:6

Waatoo kaŋ borey ga yee kate ka hun wongudogoo ra, kaŋ Dawda willi kate ka hun Filisti boraa Goliyat wiidogoo ra, woyey hun Izirayel koyrawey kul ra ka don ka gaani ka kokoyoo Sawul kubay nda dunduŋyaŋ, nda ɲaali, nda guuruyaŋ kaŋ ga hẽe.

Samiyel 1na 18:7

Woyey kaŋ ga don ga cere zaabi ka nee: «Sawul na boro zenberyaŋ wii, Dawda na zenber woyyaŋ wii.»