Fattaroo 15:16 - Songhai de Gao Bible

¹⁶ Jitiyan nda hunburay kaŋ i boŋ. Ni kabe gaabantaa jine i tee suk ma nee tondi, i si hin ka šelaŋ hala waati kaŋ ni jamaa ga dira ka bisa, Abadantaa, hala waati kaŋ ni jamaa kaŋ nʼnʼa sawal, dira ka bisa.

Fattaroo 15:16 ပူးပေါင်းရင်းမြစ်များ

Šintinoo 35:5

Woo banda ga, i koy. Koyrawey kaŋ goo jere ga, Irkoy nʼi hunburandi hala nongu kaŋ ra i mana Yakuba izey gaarandi.

Samiyel 2to 7:23

Ganda tana mma bara laboo ga kaŋ ga hima nda Izirayel, ni jamaa, kaŋ koy tanayaŋ koy a day kʼa kaa kabe ra a mʼa tee ngi jamaa, kʼa tee ngi wane hala jamaa ma duu maa? Nʼna haya beeriyaŋ tee i se, nʼna teegoy kayfanteyaŋ tee ni gandaa se, ni jamaa kaŋ nʼnʼa day kʼa kaa Misira, nda gandawey, nda ngi koyey kabey ra hala a ma tee ni wane.

Zaburey 105:38

Ngi fattaroo tee ɲaali Misira borey se, zama i nka tee i se hunburay beeri.

Zaburey 74:2

Hongu ni jamaa kaŋ nʼnʼi sawal kʼi tee alkabiilaa kaŋ tee ni tuboo za zaman mooro, hongu Siyoŋ tondi hondoo kaŋ ra nʼna ni gorodogoo tee.

Zaburey 89:14

Ni bara nda kabe albarkante, ni kaboo ga gaabi, ni kabe gumaa ga jer.

Fattaroo 11:7

Amma Izirayel borey kul do, ba hanši si kaati boro wala adabba ga hala war ma bay kaŋ Abadantaa ga fayyan daŋ Misira nda Izirayel game.›

Fattaroo 15:13

Ni arrahamaa nda nʼna ni jamaa gongu, jamaa kaŋ nʼnʼa feeri. Ni hinoo ra, nʼga huru i jine ka koy nda ey ni gorodoo henanantaa ra.

Fattaroo 15:5

Haroo bondawey nʼi daabu, i dere hari guusey ra ma nee tondiyaŋ.

Fattaroo 15:6

Abadantaa, ni kabe gumaa na ni hinoo cebe. Abadantaa, ni kabe gumaa ka iberoo motti.

Fattaroo 18:8

Musa na takaa filla nga nzuraa se kaŋ Abadantaa nʼa tee Firawuuna nda Misira se Izirayel maaganda, nda faraa kul kaŋ duu ngey fondaa ra, nda takaa kaŋ nda Abadantaa na ngi kaa kabe ra.

Fattaroo 20:2

«Agay ti Abadantaa, ni Koyoo kaŋ na ni fattandi Misira gandaa ra, tamtaray hugoo ra.

Fattaroo 23:20

«Nga ne, ay ga almalayka sanba ni jine, a ma ni hawgay naarumaa ra ka ni ka koy nongoo kaŋ ay nʼa hanse ma ne ra.

Fattaroo 23:22

Nda nʼga maa šennoo se ka boori, de nʼga haya kul tee kaŋ ay gʼa har ma ne, ay ga tee ni iberey iberoo, ni yenjekey yenjekaa.

Fattaroo 23:27

Ay gʼay hunburaa ka koy ni jine, jama kul kaŋ ra ni huru, ay ga lakkaloo ɲaami, de ay ga ni iberey kul zurandi ni jine.

Fattaroo 6:7

Ay ga war dii ay jamaa, ay ga tee war Koyoo. War ga kaa ka bay kaŋ agay ti Abadantaa, war Koyoo kaŋ ga war feeri ka Misira waazibi goyey zaa war boŋ.

Teegoyey 20:28

Wa war boŋ hawgay, war ma feeji kuroo kul hawgay kaŋ se Hundi Henanantaa na war tee jinehun, ka Irkoy Egilizoo kur kaŋ a nʼa day nda nga boŋ Izʼaroo kuroo.

Alhukumoo 11:25

Boro kul si hin ka kay war jine. Abadantaa, war Koyoo ga binedunbay nda hunburay daŋ ganda kul kaŋ ra war huru, sanda takaa kaŋ nda a nʼa har war se.

Alhukumoo 2:25

Hõ ay ga šintin ka ni hunburaa daŋ jamawey kul ra kaŋ goo aduɲɲa ra, nda i maa ni alhabaroo, i ga jijiri, biney ga dunbu ni jine.

Alhukumoo 2:4

Jamaa noo yaamaroo woo ka nee: “War ga bisa nda war armey gandaa hirroo, Eso borey kaŋ ga goro Seyir. I ga hunbur war, amma war ma hanse ka hawgay.

Alhukumoo 32:6

Takaa woo nda war ga hima ka Abadantaa dii wala, jama hollokom kaŋ sii nda lakkal? Manʼti ni baabaa no kaŋ na ni taka wala? Manʼti nga ka ni tee ka ni gorandi wala?

Alhukumoo 32:9

Zama Abadantaa bagaa manʼti kala nga jamaa, Yakuba ti nga tuboo.

Tit batagaa 2:14

Nga kaŋ na nga boŋ noo ir maaganda se, kʼir kaa goy futu kul cire, kʼir henanandi ka tee nga boŋ jama cere-cerantaa kaŋ ga durkutu goy henna teeyan bande.

Žozuwe 2:9

A nee arey se: «Ay ga bay kaŋ Abadantaa na war noo gandaa, war nka tee ir se hunburay beeri, gandaa borey kul biney hasara war jine.

Žozuwe 4:24

Woo teendi hala dumey kul kaŋ goo laboo ga ma bay kaŋ Abadantaa kaboo manʼti kala hini beeri, hala war ma hunbur Abadantaa, war Koyoo waati kul.»

Piyer bataga 1na 2:9

Amma war, war manʼti kala dumi suubante, «Kokoyoo sargari juwalkey, ganda henanante», jama kaŋ ti Irkoy wane, hala war ma haya beerey deede kaŋ a nʼi tee war se, nga kaŋ na war cee ka war kaa kubaa ra ka war daŋ nga gaay hennaa ra.

Piyer bataga 2to 2:1

Taari annabiyaŋ bay ka bara Izirayel jamaa ra, takaa din da nda war mo ra, taari cawandikawyaŋ ga kaa ka bara. I ga kate taari cawandiyan halacanteyaŋ ka zanba kʼi hurandi ka ngi Koyoo yankar kaŋ nʼi day. I ga kate ngi boŋ ga halaciyan cahãnte.

Samiyel 1na 2:9

A ga nga laadirantey dira takawey hawgay. Amma boro laaley ga derandi kubaa ra, zama boro si zaame nda gaabi.

Samiyel 1na 25:37

Subbaahoo ra, suuyanoo ben Nabal ga, wandoo na hayaa deede a se kaŋ tee. Ni mma nee haya ka binoo hay, Nabal gaahamoo buu.