Fattaroo 15:1 - Songhai de Gao Bible

¹ Waati follokaa ra Musa nda Izirayel borey na doonoo woo don Abadantaa maaɲoo ga. I nee: «Ay ga don Abadantaa maaɲoo ga, zama a na nga hinoo cebe, baryoo nda kaarukaa, a nʼi warra teekoo ra.

Fattaroo 15:1 ပူးပေါင်းရင်းမြစ်များ

Nehemi 9:11

Nʼna teekoo fersi ihinka Izirayel borey jine, de i bisa teekoo game a ga kogu. Nʼna borey kaŋ gʼi gaarandi warra hari guusey ra, ma nee tondi kaŋ kaŋ hari guusa ra.

Ayuba 36:24

Lakkal tee ka Irkoy teegoyey beerandi, kaŋ adamizey gʼi don.

Zaburey 105:43

A na nga jamaa kaataray nda binekaanay, borey kaŋ a nʼi suuba ɲaali kaatiyaŋ ra.

Zaburey 106:12

Woo ga, i naanay Irkoy šenney, i don a se kʼa saabu.

Zaburey 107:15

I ma Abadantaa šifa nga borohennataraa nda teegoy kayfantey kaŋ a gʼi tee adamizey se maaganda.

Zaburey 107:8

I ma Abadantaa šifa nga borohennataraa nda teegoy kayfantey kaŋ a gʼi tee adamizey se maaganda.

Zaburey 32:7

Ni ti nongoo kaŋ ra ay ga tugu, nʼgʼay kaa šiitayan ra, ni hallasiroo kaatiyanoo gʼay kuubi kʼay bere. Kay-kayna

Zaburey 76:6

Gaabikoyney koonandi, i kaŋ jirbi ra, wongaari beerey kul albarkawey ben.

Zaburey 76:7

Yakuba Koyoo, waatoo kaŋ ni zahã i ga, bari kaarukey nda baryey kaŋ jirbi komante ra.

Fattaroo 14:26

Abadantaa nee Musa se: «Ni kaboo šerre teekoo ga, hala haroo ma yee kate Misira borey, nda ngi bari torkawey, nda ngi bari kaarukey ga.»

Fattaroo 14:27

Musa na nga kaboo šerre teekoo ga. Waatoo kaŋ moo ga baa ka boo, teekoo yee nga doo žeenaa ra. Misira borey zuru teekoo jine, Abadantaa nʼi kaŋandi teekoo gamoo ra.

Fattaroo 15:21

Maryama ga tuuru ka nee i se: «Wa don Abadantaa maaɲoo ga, a na nga hinoo cebe. Baryoo nda nga kaarukaa, a nʼi warra teekoo ra.»

Fattaroo 18:11

Ay bay sohõ kaŋ Abadantaa bisa koyey kul, zama a na nga jamaa hallasi waatoo kaŋ Misira borey gʼi kabekunafutay.»

Yaasawey 29:6

Kumsay goo boro laala hooyanoo ra, šerrantaa ga kaati nda ɲaali.

Kabuyaney 21:17

Woo se Izirayel don ka nee: «Dayoo, hari fattandi! Wa don a se!

Kolos borey batagaa 2:15

Irkoy na hayaa kul taa kokoytarawey nda hiney kone kʼi tee haya kaŋ borey ga dii ey. Almasihu bande Irkoy hin ey.

Bangandiroo 15:3

I ga Musa, Irkoy tamoo doonoo, nda Feeji-izoo doonoo don ka nee: «Ir Koyoo Irkoy, Hini-kul-koyoo, ni teegoyey ga beeri, i ga kayfandi. Gandawey Kokoyoo, ni fondawey ga šerre, cimiyaŋ no!