Fattaroo 14:27 - Songhai de Gao Bible

²⁷ Musa na nga kaboo šerre teekoo ga. Waatoo kaŋ moo ga baa ka boo, teekoo yee nga doo žeenaa ra. Misira borey zuru teekoo jine, Abadantaa nʼi kaŋandi teekoo gamoo ra.

Fattaroo 14:27 ပူးပေါင်းရင်းမြစ်များ

Nehemi 9:11

Nʼna teekoo fersi ihinka Izirayel borey jine, de i bisa teekoo game a ga kogu. Nʼna borey kaŋ gʼi gaarandi warra hari guusey ra, ma nee tondi kaŋ kaŋ hari guusa ra.

Zaburey 106:11

Haroo daaba ngi torrokey ga, ba boro foo mana cindi i ra.

Zaburey 136:15

Nga ka Firawuuna nda nga wongu-izey naŋ Kakaarey teekoo ra, zama nga borohennataraa si ben abada.

Zaburey 78:53

A nʼi ka koy lakkalkanay ra, haya kul manʼi hunburandi, teekoo gum ngi iberey ga.

Alhukumoo 11:4

nda woo kaŋ a nʼa tee Misira wongu-izey se, nda nga baryey, nda nga bari torkawey, nda takaa kaŋ nda Kakaarey teekoo haroo daabu i ga waatoo kaŋ i ga war gaaray. Abadantaa nʼi derandi hala hõ,

Eberewey batagaa 11:29

Naanayyan ka kate i ma teeko Hari Ciraa dunbu ka bisa sanda labu koga, ka gar Misira borey kaŋ nee ngi gʼa tee, i yoole.

Žozuwe 24:7

Waatoo kaŋ i kaati ka agay, Abadantaa cee, ay na kubay daŋ war nda Misira borey game. Ay na teekoo gum i ga kʼi daabu. War moɲey dii woo kaŋ ay nʼa goy Misira ga. War goro saajoo ra waati kuku.

Žozuwe 4:18

Waatoo kaŋ sargari juwalkey kaŋ ga sundukoo zaa žigi ka hun Žurdeŋ isaa gamoo ra, kaŋ i na ngi cewey jer ka koy guraa ga, Žurdeŋ isaa haroo yee nga dogoo ra ka yee dandiyan takaa žeenaa ga ka boosu nongu kul here.