Fattaroo 14:21 - Songhai de Gao Bible

²¹ Musa na nga kaboo šerre teekoo ga, Abadantaa na dandi hew beeri foo tunandi cijinoo kul ka teekoo kogandi, haroo fersi.

Fattaroo 14:21 ပူးပေါင်းရင်းမြစ်များ

Šintinoo 8:1

Woo banda ga, Irkoy ɲeli Nuhu nda hoogawey nda adabbawey kul ga kaŋ goo a bande harihiyoo ra. Irkoy na hew foo funsu laboo boŋ kaŋ na haroo zumandi.

Kokoyey 2to 2:8

Ilyasu na nga burmusoo kaa kʼa kunkuni ka haroo kar nda a, haroo zamna ihinka, ngi boro hinkaa dira labu kogaa ga ka isaa dunbu.

Nehemi 9:11

Nʼna teekoo fersi ihinka Izirayel borey jine, de i bisa teekoo game a ga kogu. Nʼna borey kaŋ gʼi gaarandi warra hari guusey ra, ma nee tondi kaŋ kaŋ hari guusa ra.

Ayuba 26:12

Nga gaaboo nda a ga teekoo boosandi, nga lakkaloo nda a ga teekoo adabba laalaa motti.

Ayuba 38:24

Man fondaa kaŋ nda gaayoo ga fay, fondaa kaŋ nda dandi hewoo ga say laboo ga.

Zaburey 136:13

Nga ka Kakaarey teekoo dunbu ihinka, zama nga borohennataraa si ben abada.

Zaburey 148:8

nda nuune, nda gari, nda neeži, nda duula zunbante, nda hew beeri kaŋ ga nga yaamaroo tee,

Zaburey 66:6

A na teekoo bere kʼa tee labu kogo, i na isaa dunbu nda cee. No din ra ir ɲaali a se.

Zaburey 74:13

Ni no ka teekoo fay ihinka nda ni hinoo, ka adabba beerey kaŋ goo teekoo ra boŋey motti.

Zaburey 78:13

A na teekoo fay ihinka kʼi deŋandi, a na harey kayandi sanda cete.

Fattaroo 14:16

Ni, ma ni goboo jer, ma ni kaboo šerre teekoo ga, mʼa fersi, hala Izirayel borey ma bisa teekoo gamoo ra labu kogaa ga.

Fattaroo 14:20

A koy huru Misira borey gorodogoo nda Izirayel gorodogoo game. Misira here duulaa tee kubay, Izirayel here duulaa ga gaay noo cijinoo ra. Boro foo kul mana too ceroo do cijinoo kul.

Fattaroo 15:8

Ni hunsaroo gaaboo na haroo marga. Bondawey kay ma nee lalaba. Hari guusey kay teekoo gamoo ra.

Fattaroo 7:19

Abadantaa nee Musa se: «Nee Haruna se: ‹Ni goboo zaa kʼa šerre Misira harey ga, isawey ga, nda isa kabey ga, nda hari kaydogey ga, nda hari margadogey ga. I ga bere ka tee kuri, Misira gandaa kul ga tee kuri, ba haroo kaŋ goo bundu tuwey nda tondi tuwey ra ga bere ka tee kuri.›»

Teegoyey 7:36

Nga no kʼi fattandi ka kayfiyaŋ nda tammaasayaŋ tee Misira gandaa ra, nda teeko Hari Ciraa ra, nda saajoo ra jiiri woytaaci (40).

Žozuwe 2:10

Zama ir maa kaŋ Abadantaa na Kakaarey teekoo haroo kogandi war jine waatoo kaŋ war fatta Misira, nda takaa kaŋ war nʼa tee Amor borey kokoy hinkaa Sihoŋ nda Og se kaŋ cindi Žurdeŋ isaa dumaa ga, kaŋ war nʼi halaci sõy.

Žozuwe 3:17

Sargari juwalkey kaŋ na amaanaa sundukoo zaa kay tak ngi dogey ra labu kogaa ga, Žurdeŋ isaa gamoo ra. Izirayel kul ga bisa labu kogaa ga hala waatoo kaŋ gandaa kul na Žurdeŋ isaa deŋ ka bisa.

Žozuwe 4:23

Zama Abadantaa, war Koyoo na Žurdeŋ isaa haroo kogandi war jine hala war ma bisa ka ben, sanda takaa kaŋ nda Abadantaa, war Koyoo nʼa tee Kakaarey teekoo se kaŋ a nʼa kogandi ir jine hala ir ma duu ka bisa ka ben.