Fattaroo 14:14 - Songhai de Gao Bible

¹⁴ Abadantaa no ma wongu war dogey ra. War, wa dangay de ka guna.»

Fattaroo 14:14 ပူးပေါင်းရင်းမြစ်များ

Taarikey 2to 20:15

Yahaziyel nee: «Žuda borey kul, nda Žerizalem borey, nda ni, kokoyoo Žozafat, war ma haŋajer. Hayaa ne kaŋ Abadantaa nʼa har, Abadantaa nee: ‹War masi hunbur, war masi jijiri alžamaa beeroo woo jine, zama manʼti war wongoo no, Abadantaa wongoo no.

Taarikey 2to 20:17

Manʼti war no ma wongu, wa lanba no din. Žuda borey nda Žerizalem borey, wa kay war cewey ga, war ma dii takaa kaŋ nda Abadantaa ga war kaa kabe ra. War masi hunbur, war masi jijiri. Suba war ma koy i tangam, Abadantaa goo war bande.›»

Taarikey 2to 20:29

Irkoy hunburaa zunbu gandawey laamawey kul ga waatoo kaŋ i maa kaŋ Abadantaa na Izirayel iberey kar.

Nehemi 4:14

Nongu kul kaŋ ra war goo, nda war maa hilloo jindoo, war ma kaa ka marga ir jere, ir Koyoo ga wongu ir se.»

Nehemi 9:11

Nʼna teekoo fersi ihinka Izirayel borey jine, de i bisa teekoo game a ga kogu. Nʼna borey kaŋ gʼi gaarandi warra hari guusey ra, ma nee tondi kaŋ kaŋ hari guusa ra.

Zaburey 35:1

Woo ti Dawda zabur foo. Abadantaa, borey gurgay kaŋ gʼay gurgay, borey gandu kaŋ gʼay gandu!

Zaburey 50:3

Ir Koyoo ga kaa, a si dangay, nuune ciray kaŋ ga wiiya bara a jine, hew beeri kʼa kuubi kʼa bere.

Zaburey 83:1

Dooni. Woo ti Asaf zabur foo.

Fattaroo 14:15

Abadantaa nee Musa se: «Macin se nʼga kaati kʼay cee? Nee Izirayel borey se i ma fondaa zaa.

Fattaroo 14:25

A na torkawey cewey kaa ka ngi zuraa šendandi. Misira borey nee: «Ir ma zuru ka mooru Izirayel, zama Abadantaa no ma Misira wongu i se.»

Fattaroo 15:3

Abadantaa manʼti kala wongaari. Abadantaa ti maaɲoo.

Alhukumoo 1:30

Abadantaa, war Koyoo kaŋ ga dira war jine, a ga wongu war se, sanda takaa kaŋ nda a nʼa tee war jine Misira

Alhukumoo 20:4

Zama Abadantaa, war Koyoo ga dira war bande, ka war iberey wongu war se, ka war hallasi.›

Alhukumoo 3:22

War masi hunbur ey, Abadantaa, war Koyoo hunday no ma wongu war se.›»

Žozuwe 10:10

Irkoy na Amor borey zalbandi Izirayel jine, Izirayel na mursay beeri tee i se ka hanga ey Bet-Horoŋ nongoo kaŋ ga jer here kʼi kar hala Azeka nda Makeda.

Žozuwe 10:14

Zaaroo woo cine mana bay ka tee, a mana tee a jine, a mana tee nga banda ga kaŋ ra Abadantaa ma haŋajer adamize se ka too hala hinnaa woo ga, zama Abadantaa mma wongu Izirayel se.

Žozuwe 10:42

Žozuwe na kokoyey wey kul dii, ka ngi gandawey dii waati follokaa ra, zama Abadantaa, Izirayel Koyoo ga wongu Izirayel se.

Žozuwe 23:10

Boro foo war ra ga boro zenber foo (1.000) gaaray, zama Abadantaa, war Koyoo no ma wongu war se, sanda takaa kaŋ nda a nʼa har war se.

Žozuwe 23:3

War, war dii hayaa kul kaŋ Abadantaa, war Koyoo nʼa tee jamawey wey kul se war maaganda, zama Abadantaa, war Koyoo no ka wongu war se.

Alkaaley 5:20

Za beenaa ra handarawey wongu, ngi fondaa ra i na Sisera wongu.

Samiyel 1na 4:7

Filisti borey hunbur, i nee: «Irkoy kaa kaloo ra! Woo ti ir bone. Woo cine mana bay ka tee.