Fattaroo 13:21 - Songhai de Gao Bible

²¹ Abadantaa ga dira jiney ra zaari here duula kaŋ ga kay i jine ra kʼi gongu fondaa ra. Cijin here a ga nuune kaŋ ga kay kʼi noo gaay. Woo ra i ga dira cijin nda zaari.

Fattaroo 13:21 ပူးပေါင်းရင်းမြစ်များ

Nehemi 9:12

Nʼna duula kaŋ ga kay i jine kʼi gongu zaari here, nʼna nuune kaŋ ga kay i jine cijin here ka ngi fondaa noo gaay kaŋ i ga hima kʼa zaa.

Nehemi 9:19

Amma ni, ni hinnari beeroo ra, manʼi fur saajoo ra. Duulaa kaŋ ga kay mana fay nda kʼi gongu zaari here nda nuunaa kaŋ ga kay cijin here ngi diraa ra, ka ngi fondaa noo gaay kaŋ i ga hima kʼa zaa.

Zaburey 105:39

A na duula daaru kʼi gum nda nuune kʼi noo gaay cijin here.

Zaburey 68:7

Borey kaŋ goo footaray ra, Irkoy gʼi gorandi hugu ra, a ga kasa-izey kaataray kʼi noo gomni. Turantey hinne no ma goro nongu kogey ra.

Zaburey 77:20

Nʼna ni fondaa kaa teekoo game, nʼna ni bisadogoo kaa hari beerey game, amma boro mana dii ni ceedogey.

Zaburey 78:14

A gʼi gongu nda duula zaari here, cijinoo kul a gʼi gongu nda nuune gaay.

Zaburey 99:7

A šelaŋ i se duulaa kaŋ ga kay ra, i na nga seedetarawey dii nda yaamaroo kaŋ a nʼi noo i se.

Fattaroo 10:10

Firawuuna nee i se: «Nda ay na war naŋ war ma koy, war nda war zankey, Abadantaa ma bara war bande! War ma bay kaŋ ifutu no war gʼa miile.

Fattaroo 16:10

Kaŋ Haruna goo ma šelaŋ Izirayel borey jamaa se, i bere saajoo here, nga ne, Abadantaa daržaa bangay duulaa ra.

Fattaroo 32:1

Waatoo kaŋ Izirayel borey dii kaŋ Musa gay a mana zunbu tondi hondoo boŋ, jamaa marga Haruna jere ka nee a se: «Tun ma koyyaŋ tee ir se kaŋ ga dira ir jine, zama Musa din, boraa din kaŋ nʼir žigandi ka hun Misira gandaa ra, ir si bay haya kaŋ ka duu a.»

Kabuyaney 10:34

Abadantaa duulaa goo i boŋ zaari here waati kaŋ i tun ka hun ngi kaloo ra.

Kabuyaney 14:14

i nʼa har gandaa woo borey se. I maa kaŋ ni, Abadantaa, ni goo jamaa woo game, ni, Abadantaa, nʼga bangay moo nda moo, ni duulaa ga kay i boŋ, nʼga dira i jine duula kaŋ ga kay i jine ra zaari here, cijin here nuune kaŋ ga kay i jine ra.

Alhukumoo 1:33

kaŋ ga dira war jine fondaa ra ka nongu ceeci war se kaŋ ra war ga goro. Cijin here, a ga huru war jine nuune ra ka fondaa kaarandi war se kaŋ ra war ga hima ka dira. Zaari here, a ga huru duula ra ka fondaa cebe war se.

Alhukumoo 31:8

Abadantaa hunday no ma dira ni jine, nga hunday bara ni bande. A si ni naŋ, a si ni fur, masi hunbur, ni binoo masi jiti.»