Fattaroo 12:29 - Songhai de Gao Bible

²⁹ Cijinoo gamoo ra, Abadantaa na Misira gandaa gunde jinawey kul kar kʼi wii, kʼa zaa za Firawuuna kaŋ ga goro kokoytaraa ra gunde jinaa hala kasa-izoo kaŋ goo kasaa ra gunde jinaa, nda adabba kul gunde jinaa.

Fattaroo 12:29 ပူးပေါင်းရင်းမြစ်များ

Šintinoo 15:14

Amma ay ga dumoo ciiti kaŋ nʼi daŋ baɲɲataray. Woo din banda ga, i ga fatta ka koy nda alman boobo.

Ayuba 34:20

I ga buu dogoo din da, cijin bine jama ga tun ka ture, woo banda ga, i ga dere. Gaabikoyni ga hibandi bila boro kabe ma too a do.

Zaburey 105:36

A na ngi gandaa gunde jinawey kul kar kʼi wii, ngi gaaboo ize jina-jinawey.

Zaburey 135:8

A na Misira gunde jinawey wii, za adamize hala adabba.

Zaburey 136:10

Nga ka Misira gunde jinawey kar kʼi wii, zama nga borohennataraa si ben abada.

Zaburey 78:50

A na nga futuroo noo fondo, a mana ngi hundey hallasi buuyan ra, a na ngi hunayaney taŋ sorfaa se.

Zaburey 78:51

A na gunde jinaw kul kaŋ goo Misira kar kʼi wii, a na ngi gaaboo izey wii Šam gorodogey ra.

Fattaroo 11:1

Abadantaa nee Musa se: «Ay ga balaawu foo sanba koyne Firawuuna nda Misira ga. Woo banda ga, a ga war naŋ war ma hun ne. Waati kaŋ a na war naŋ war ma koy ka ben, a ga ba war gaaray kaaray ka hun ne.

Fattaroo 12:12

Cijinoo din ra, ay ga Misira gandaa kul dira. Ay ga gunde jinaa kul wii Misira gandaa ra za adamize hala adabba. Ba Misira koyey kul, ay gʼi ciiti. Agay ti Abadantaa.

Fattaroo 12:28

Izirayel borey koy, i nʼa tee nda takaa kaŋ nda Abadantaa na Musa nda Haruna yaamar, i nʼa tee nda takaa din da.

Fattaroo 13:15

Kaŋ Firawuuna muray ka wanji kʼir naŋ ir ma koy, Abadantaa na gunde jinaa kul wii Misira gandaa ra, za adamize gunde jinaa hala adabba gunde jinaa. Woo maaganda se gunde jinaa aru kul, ay gʼa sarga Abadantaa maaɲoo ga, amma ay izʼaru kul kaŋ ti gunde jinaa, ay ga nga hayoo taa.›

Fattaroo 4:23

Ay nee ma ne: ‘Ay izʼaroo naŋ hala a ma koy sargari kaa ya ne. Nda ni wanji kʼa naŋ a ma koy, nga ne, ay ga ni izʼaroo wii, ni ize jinaa.’”›»

Fattaroo 9:6

Abadantaa nʼa tee suba ra sanda takaa kaŋ nda a nʼa har, Misira almaney kul buu, amma Izirayel borey jawdoo adabba ba affoo mana buu i ra.

Kabuyaney 3:13

Zama gunde jinaa kul manʼti kala agay wane, hanoo kaŋ ay na Misira borey gunde jinawey kar kʼi wii, ay na Izirayel borey gunde jinawey yeeti ay boŋ se jere ga, a ma tee adamizey wala adabbawey. Agay wane nda ey, agay ti Abadantaa.»

Kabuyaney 33:4

Ka gar Misira borey goo ma ngi borey fiji kaŋ Abadantaa nʼi kar i ra, maanaa gunde jinawey kul. Abadantaa ka nga ciitoo kaŋandi ngi koyey boŋ.

Kabuyaney 8:17

Izirayel borey gunde jinaa kul ti agay wane, a ma tee adamize wala adabba. Hanoo kaŋ ay na gunde jinawey kul kar Misira gandaa ra, nga no ay nʼi yeeti jere ga ya ne.

Eberewey batagaa 11:28

Naanayyan ka kate a ma Borcintaraa jingaroo tee ka kuri daŋyanoo tee hala halacikaa masi too Izirayel gunde jinawey do.

Eberewey batagaa 12:23

nda gunde jinayaŋ margaroo kaŋyaŋ hantumandi beenaa ra, nda Irkoy kaŋ ti borey kul ciitikaa, nda boro šerrantey hundey kaŋ Irkoy nʼi tee boro timmanteyaŋ.