Fattaroo 11:2 - Songhai de Gao Bible

² Aywa, nee jamaa se kaŋ aru kul ma nga taalammaa wiri nzorfu jinayyaŋ nda wura jinayyaŋ, woy kul ma nga taalammaa wiri nzorfu jinayyaŋ nda wura jinayyaŋ.»

Fattaroo 11:2 ပူးပေါင်းရင်းမြစ်များ

Šintinoo 24:53

A na nzorfu hiiriyaŋ nda wura hiiriyaŋ nda darbayyaŋ fattandi kʼi noo Rebeka se. A na gomni beeriyaŋ tee armaa nda ɲaŋoo se.

Šintinoo 31:9

Irkoy ka war baabaa almaney taa kʼi noo ya ne.

Zaburey 105:37

A na nga jamaa kaataray nda nzorfu kaaray nda wura, boro kul mana cindi banda ngi alkabiilawey ra.

Zaburey 24:1

Woo ti Dawda zabur foo. Laboo nda haya kul kaŋ goo a boŋ manʼti kala Abadantaa wane, nga wane nda aduɲɲa nda boro kul kaŋ ga goro a ra.

Fattaroo 3:21

Ay ga jamaa woo noo alhormo Misira borey do. Waati kaŋ war ga koy, war si koy kabe koonu.

Fattaroo 3:22

Woy foo kul ma nga taalammaa nda nga gorokasinaa wiri nzorfu jinay, nda wura jinay, nda bankaaray, war mʼi daŋ war izʼarey nda war ize woyey ga, war ma Misira borey kabey koonandi.»

Fattaroo 32:24

Waatoo din ay nee i se: ‹May bara nda wura? I nʼi kaa ngi ga kʼi noo ya ne, ay nʼi warra nuunaa ra, de yagaa woo bangay.›»

Fattaroo 35:22

Arey nda woyey kul kaŋ biney ga boori kate hiiri, nda niinekorbay, nda haŋakorbay, nda kabekorbay, nda jindehiiri. I kul kate wura jinay dumi kul kʼi tee sargari zinji-zinjante Abadantaa se.

Yaasawey 13:22

Boro henna mma tubu naŋ nga haamawey se, zunubante kabehayaa si jisandi kala šerrante se.

Matiyu 20:15

Wala a si hima ya agʼalmanoo tee woo kaŋ ay baa? Ni nka canse kaŋ ay na haya henna tee?›