Fattaroo 1:20 - Songhai de Gao Bible

²⁰ Irkoy na haya henna tee hayandikey se. Jamaa mo tonton, i hanse ka duu gaabi.

Fattaroo 1:20 ပူးပေါင်းရင်းမြစ်များ

Zaburey 103:11

Zama takaa kaŋ nda beenaa goo laboo se beene, takaa din da nga borohennataraa ga beeri nga hunburkey se.

Zaburey 111:5

A na ŋaayan noo borey se kaŋ ga hunbur a, a ga hongu nga amaanaa hala abada.

Zaburey 145:19

A ga borey kaŋ ga hunbur a almuraadey feeri, a ga maa ngi faaba ceeci kaatiroo, a gʼi hallasi.

Zaburey 61:5

Ay ga baa waati kul ya bara ni hukkumoo cire, ya duu lanbadoo ni fatawey cire. Kay-kayna

Zaburey 85:9

Ay ga haŋajer woo kaŋ Irkoy Abadantaa gʼa har se, zama a si šelaŋ kala nga jamaa nda nga ganakey alaafiyaa se, amma i masi willi ka tee lakkal jaŋante.

Fattaroo 1:12

Amma kaŋ i gʼi torro kul i mma tonton, i ga boobo. I konna Izirayel borey.

Fattaroo 1:19

Hayandikey nee Firawuuna se: «Ebere woyey nda Misira woyey manʼti affoo, Ebere woyey ga sahã, hala hayandikaa ga too kate i do gar i duu ngi boŋ ka ben.»

Fattaroo 1:7

Amma Izirayel borey duu hayyan boobo, ka gooru, ngi hinnaa tonton, i hanse ka duu gaabi. I na gandaa too.

Yaasawey 11:18

Boro laala ga nga boŋ noo alman kaŋ gʼa zanba, boro kaŋ ga šerretaray duma ga duu banaw cimi.

Yaasawey 19:17

Boro kaŋ ga hinna talka se mma garaw Abadantaa se, a ga kaa kʼa bana a se.

Waazukaa 8:12

Zunubante ga hin ka ifutu tee cee zangu (100), amma a ga duu aloomur kuku, amma ay ga bay kaŋ gomni goo borey se kaŋ ga hunbur Irkoy, zama nga hunburaa goo biney ra.

Matiyu 10:42

Boro kul kaŋ na boro kaccey wey affoo haŋandi hari yaynaa poti foo haya kaŋ se ay taalibi no, cimoo ne kaŋ ay gʼa har war se, nga sufuraa si dere.»

Matiyu 25:40

Kokoyoo gʼi zaabi ka nee: ‹Cimoo ne kaŋ ay gʼa har war se, haya kul kaŋ war nʼa tee agʼarmey wey i kul ikaccaa affoo se, agay se war nʼa tee.›

Luka 1:50

Zaman ka kaa zaman, a ga hinna nga hunburkey se.

Eberewey batagaa 6:10

Irkoy manʼti boro kaŋ si šerre, a si dirɲa war goyoo nda bajoo kaŋ war nʼa tee a se ka nga boro henanantey alhaadimay, de mo war gʼi alhaadimay hala hõ.