Fattaroo 1:14 - Songhai de Gao Bible

¹⁴ I na tamtaray šendaa kʼi konnandi aduɲɲa. I ga labu goy, i ga feraw kar, i ga goy dumi kul tee faarey ra. Goyey kul kaŋ ra i nʼi daŋ manʼti kala tamtaray šenda.

Fattaroo 1:14 ပူးပေါင်းရင်းမြစ်များ

Šintinoo 15:13

Irkoy nee Ibirim se: «Ma bay kaŋ ni hayroo ga koy taabuši ganda ra kaŋ manʼti nga wanoo. I ga tee baɲɲayaŋ no din, i gʼi žilla jiiri zangu taaci (400).

Kokoyey 1na 12:14

Hoyraa kaŋ aru soogey nʼa noo a se, nga no a nʼa har jamaa se ka nee: «Jeraw beeroo kaŋ ay baabaa nʼa daŋ war ga, agay, ay ga tonton war se a ga, ay baabaa na war gooji nda barzuyaŋ, agay, ay ga war gooji nda dontonyaŋ.»

Zaburey 129:1

Woo ti žigiyanoo dooni foo. Za ay zankataraa ga cee booboyaŋ i nʼay farandi, Izirayel mʼa har ka nee kaŋ

Zaburey 68:13

Wongu-ize jamawey kokoyey ga zuru, i ga zuru, woyoo kaŋ ga goro hugoo ra ga duu nga bagaa alganiimaa ra.

Zaburey 81:6

Seedetaray no kaŋ a nʼa tee Isufi borey se waatoo kaŋ a fatta ka Misira gandaa wongu. Ay ga maa jinde kaŋ ay sʼa bay, a nee:

Fattaroo 1:11

Woo se Misira borey na boroyaŋ daŋ Izirayel jamaa jine kaŋ gʼi torro, i nʼi daŋ waazibi goyyaŋ ra. I na koyrayaŋ kaŋ ti jinay fanjidooyaŋ cin Firawuuna se, koyrawey maaɲey ti: Pitom nda Ramses.

Fattaroo 1:13

Misira borey na Izirayel borey daŋ tamtaray šenda ra.

Fattaroo 1:15

Misira kokoyoo šelaŋ Eberewey hayandikey se, affoo maaɲoo ti Šifra, affaa maaɲoo ti Puwa.

Fattaroo 2:23

Waati kukoo woo ra Misira kokoyoo buu. Izirayel borey hottu, i kaati, de ngi goyoo hottaa kaatiroo ka faaba ceeci žigi ka too Irkoy do.

Fattaroo 20:2

«Agay ti Abadantaa, ni Koyoo kaŋ na ni fattandi Misira gandaa ra, tamtaray hugoo ra.

Fattaroo 6:9

Musa na taka follokaa ka šelaŋ Izirayel borey se, amma i mana haŋajer a se takaa kaŋ nda biney hun nda goy šendaa maaganda se.

Yaasawey 28:15

Ganjihayla kaŋ ga booro wala urs kaŋ ga baa ka sar, takaa din da ti boro futu kaŋ ga jama talka laama.

Sargarey 25:43

Masi hini šenda fur a ga, ma hunbur ni Koyoo.

Sargarey 25:46

War mʼi naŋ i ma tee tubuhaya war izey kaŋ ga kaa war dumawey ga se, i mʼi mayray. War ga hin kʼi dii sanda baɲɲa hala abada. Amma war armey, Izirayel borey, war affoo kul masi hini šenda fur nga armaa ga.

Sargarey 25:53

A ma tee sanda goykaw kaŋ jiiri ka kaa jiiri a ga goy. Boraa kaŋ do a goo masi hini šenda fur a ga ni moɲey cire.

Kabuyaney 20:15

Ir baabey doo Misira, ir goro no din waati kuku. Misira borey nʼir žilla, ir nda ir baabey.

Teegoyey 7:19

Nga, a nʼir dumoo zanba kʼ[ir] baabey žilla ka taka tee ngi ize taanawey ma warrandi taray hala i masi huna.

Teegoyey 7:34

Ay dii gurzugaa kaŋ ay jamaa goo ma dii a Misira, ay maa ngi durayroo. Ay zunbu kʼi kaa kabe. Sohõ kaa, ay ga ni sanba Misira.›

Alhukumoo 26:6

Misira borey nʼir žilla kʼir kankam kʼir daŋ goy šenda ra.

Alhukumoo 4:20

Amma war, Abadantaa nka war zaa ka war kaa Misira ra kaŋ ga hima nda guuru mennandi alforon, hala war ma tee nga jamaa, nga tuboo, sanda takaa kaŋ war gʼa tee hõ.

Rutti 1:20

A tuuru i se ka nee: «War masʼay cee nda Nawomi (maanaa ‹anneema›). Wʼay cee nda Mara (maanaa ‹hottay›). Zama haya kaŋ se Hini-kul-koyoo nʼay hunaroo hottandi ay ga.