Ezra 7:15 - Songhai de Gao Bible

¹⁵ Nda mo ka kate nzorfu kaaraa nda wuragoo kaŋ kokoyoo nda nga hoyraykey nʼa noo nda ngi boŋ Izirayel Koyoo se kaŋ gorodogoo goo Žerizalem.

Ezra 7:15 ပူးပေါင်းရင်းမြစ်များ

Taarikey 1na 29:6

Hugu boŋey, nda Izirayel alkabiilawey jineborey, nda wongu-izey jineborey kaŋ goo wongu-ize zenber foo-foo (1.000) jine, nda wongu-izey jineborey kaŋ goo zangu foo-foo (100) jine, nda kokoyoo goykaw-izey jineborey, i na ngi kabe almanoo noo nda ngi boŋ.

Taarikey 2to 2:6

Sohõ, aru sanba ya ne kaŋ ga tee goni wura goyyan ra, nda nzorfu kaaray, nda alhan, nda guuru bibi, nda ka šiini ciray henna daŋ, nda šilli ciray zaram, nda ibula, nda kaŋ ga wan ka haya žeeri. A ga goy ay kabe goyteerey bande, wey kaŋ ay baabaa Dawda nʼi zaa kaŋ goo ay do Žuda gandaa ra nda wey kaŋ goo Žerizalem.

Taarikey 2to 32:23

Boro booboyaŋ kate hayayaŋ Abadantaa se Žerizalem, nda gomni beeriyaŋ Žuda kokoyoo Ezekiyas se kaŋ za alwaatoo woo gandawey kul gʼa beerandi.

Taarikey 2to 6:2

Aywa, agay, ay na hugu henna alhakiika cin ma ne kaŋ ga tee ni gorodogoo, nʼga goro a ra hala abada.»

Taarikey 2to 6:6

Amma ay na Žerizalem suuba hala ay maaɲoo ma bara a ga, de mo ay na Dawda suuba hala a ma tee Izirayel, ay jamaa se jinehun.›

Ezra 1:6

Ngi taalammey kate i se faabari, nzorfu kaaray jinayyaŋ, nda wura jinayyaŋ, nda alman, nda adabba nda gomni beeriyaŋ kaŋ sii hayey ra kaŋ i gʼi noo nda ngi boŋ.

Ezra 6:12

Yala Koyoo kaŋ ga nga maaɲoo daŋ no din ga ma kokoy kul, nda jamaa kul halaci kaŋ ga ceeci ka yaamaroo woo hoo, ka Abadantaa hugoo woo kayri kaŋ goo Žerizalem. Agay Dariyus ka yaamaroo woo noo. A ma teendi nda takaa kaŋ nda ay nʼa har.»

Ezra 6:4

nda tondi hoyanteyaŋ sorro hinza nda bundu taaga sorro foo. Kokoyoo hugoo no ma ngi hayoo bana.

Ezra 7:14

Kokoyoo nda nga hoyraykaw iyyaa ka ni sanba ka Žuda nda Žerizalem lawre ka sawa nda ni Koyoo ašariyaa kaŋ goo ni kaboo ra.

Ezra 8:25

Nzorfu kaaraa, nda wuragoo, nda jinawey kaŋ kokoyoo, nda nga hoyraykey, nda nga gandaa boŋkoyney, nda Izirayel borey kul kaŋ goo no din nʼi kaa kʼi noo ir Koyoo hugoo se, ay nʼi neeši kʼi noo i se.

Zaburey 135:21

Albarka ma bara Abadantaa se ka hun Siyoŋ koyraa ra, nga kaŋ si goro kala Žerizalem! Aleluya!

Zaburey 26:8

Abadantaa, nongoo kaŋ ra ni hugoo goo ga kan ya ne nongoo kaŋ ra ni daržaa goo.

Zaburey 72:10

Tarsis koyraa kokoyey nda gungey kokoyey ga kate a se gomni, Šeba nda Seba gandawey kokoyey gʼa noo hayayaŋ.

Zaburey 76:11

Ba adamizey futuroo ga ni saabu. Borey kaŋ cindi futuroo banda ga, nʼgʼi tee ni gamahawoo.

Zaburey 76:2

Žuda borey ga Irkoy bay, maaɲoo ga beeri Izirayel ra.

Zaburey 9:11

Borey kaŋ ga ni maaɲoo bay ga ngi naanaa daŋ ni ra, zama nʼsi borey yankar kaŋ ga ni ceeci, Abadantaa.