Ezra 3:11 - Songhai de Gao Bible

¹¹ I ga Abadantaa saabu kʼa beerandi ka don cere bande ka nee: «Nda cimi Abadantaa ga boori, nga borohennataraa Izirayel here si ben abada.» Woo banda ga, jamaa ga ɲaali ka hoolo beeri tee ka Abadantaa saabu, zama Abadantaa hugoo asaasey teendi.

Ezra 3:11 ပူးပေါင်းရင်းမြစ်များ

Taarikey 1na 16:34

Wa Abadantaa šifa, zama a ga boori, nga borohennataraa si ben abada!

Taarikey 1na 16:41

Hemaŋ nda Yedutun goo borey din ra, ngi nda borey kaŋ suubandi ka maaɲey har, kaŋyaŋ ga cindi ka Abadantaa saabu, nga borohennataraa si ben abada!

Taarikey 2to 5:13

Waatoo kaŋ laati beeri karkey, nda donkey jindey marga ka tee affoo ka Abadantaa saabu ka albarka daŋ a se, i na jinde jer ka ngi laati beerey hẽenandi, nda guurey kaŋ ga kara-kara, nda hooray jinawey jerey kar ka Abadantaa saabu ka nee: «Nda cimi, Abadantaa ga boori, nga borohennataraa si ben abada!» Alwaatoo din da ra, Abadantaa hugoo too met nda duula.

Taarikey 2to 7:3

Izirayel borey kul dii nuunaa ga zunbu nda Abadantaa daržaa hugoo boŋ. I kanjezor tondi daarantey ga, i na ndumey sinji laboo ra ka sujudu ka Abadantaa beerandi ka nee: «Nda cimi, Abadantaa ga boori, nga borohennataraa si ben abada.»

Nehemi 12:24

Lewi borey boŋkoyney ti Kadmiyel izʼarey Hašabiya, nda Šerebiya, nda Yešuwa nda ngi armey kaŋ gʼi tenje ka saabu nda albarka daŋyan dooni konday konday ka sawa nda Dawda, Irkoy boraa yaamaroo.

Nehemi 12:40

Donkey margari hinkaa koy kay Irkoy hugoo ra. Agay mo takaa din da nda alkaaley kaŋ goo ay bande,

Zaburey 100:5

Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 103:17

Amma Abadantaa borohennataraa goo nga hunburkey ga waati kul hala abada, nga šerretaraa goo ngi izey izey ga,

Zaburey 106:1

Aleluya! Wa Abadantaa šifa, zama a ga boori, zama nga borohennataraa si ben abada!

Zaburey 107:1

Wa Abadantaa šifa, zama a ga boori, zama nga borohennataraa si ben abada.

Zaburey 118:1

Wa Abadantaa šifa, zama a ga boori, zama nga borohennataraa si ben abada!

Zaburey 131:1

Woo ti žigiyanoo dooni kaŋ Dawda nʼa don. Abadantaa, ay si binebeeray, ay sʼay boŋ jer, ay si huru hãayan ra kaŋ ga beeri wala a ga šendi ya ne.

Zaburey 135:3

Aleluya, zama Abadantaa ga boori. Wa don maaɲoo ga, zama a ga boori.

Zaburey 47:1

Donkey boŋkoynoo ka woo don. Woo ti Kora izey zabur foo.

Zaburey 47:5

A na ganda suuba ir se kʼa tee ir se tubu, Yakuba kaŋ a ga bagʼa daržaa. Kay-kayna

Fattaroo 15:21

Maryama ga tuuru ka nee i se: «Wa don Abadantaa maaɲoo ga, a na nga hinoo cebe. Baryoo nda nga kaarukaa, a nʼi warra teekoo ra.»

Luka 1:50

Zaman ka kaa zaman, a ga hinna nga hunburkey se.

Žozuwe 6:10

Žozuwe nka jamaa yaamar ka nee: «War masi kuwwa kar, war jindey masi fatta. Šenni kul masi hun war miɲey ra hala han kaŋ ay nee war se: ‹Wa kuwwa!› Waatoo din war ga kuwwa.»

Žozuwe 6:16

Cee iyyantoo, waatoo kaŋ sargari juwalkey na hilley hẽenandi, Žozuwe nee jamaa se: «Wa kuwwa, zama Abadantaa na war noo koyraa!

Žozuwe 6:5

Waati kaŋ gaaru hilloo hẽe ka kuu, de war maa hilloo hẽenoo, jamaa kul ma kuwwa beeri kar. Cetaa kaŋ ga koyraa kuubi ga kaŋ nga boŋ ga, de jamaa ga žigi ka kara, boro foo kul ga huga nda hayaa kaŋ goo nga jinoo ra.»