Ester 8:16 - Songhai de Gao Bible

¹⁶ Alyahuudey goo ɲaali nda binekaanay ra, i yafarhã, i duu beeray.

Ester 8:16 ပူးပေါင်းရင်းမြစ်များ

Ester 4:16

«Koy Alyahuudey kul marga kaŋ goo Sus koyraa ra. War ma meehaw ya ne, cijin nda zaari war masi ŋaa, war masi haŋ hala jirbi hinza. Agay mo nda ay koŋŋey ga meehaw. Nda woo teendi, ay ga koy kokoyoo do, ba nda ay si hima ka koy ašariyaa maaganda. Nda ay ga hima ka wiiyandi, ya wiiyandi.»

Ester 9:17

Woo mana teendi kala Adar handoo jirbi woy cindi hinzantoo (13to) ra. Jirbi woy cindi taacantoo (14to) i hunanzam, i nʼa tee hoyandi nda ɲaali zaari.

Zaburey 112:4

Gaay ga fatta kubaa ra boro šerrantey se kaŋyaŋ ga alhormo tee, i ga tamalla, i ga šerre.

Zaburey 118:27

Abadantaa ti Irkoy, a nʼir noo gaay. Wa fitayaŋ haw ka jingaroo hooraa tee, ka koy hala sargari tonadogoo hilley ga!

Zaburey 18:28

Zama ni no ma boro yalaafantey hallasi, nʼga hundi beerey moɲey yeeti ganda.

Zaburey 30:12

Nʼnʼay binehẽenoo bere kʼa tee gaani, nʼna saaku kasaa kaa ay ga ka ɲaali tee ya ne gamahaw,

Zaburey 97:11

Gaay sayandi boro šerrante se, ɲaali sayandi borey se kaŋ biney ga šerre.

Yaasawey 11:10

Nda boro šerrantey yafarhã, albarkaa no koyraa se, nda boro futu halaci, ɲaali kaatiyaŋ ga tee.

Yaasawey 28:12

Nda boro šerrantey duu fondo, beeray beeri no, nda boro laaley tun, borey ga tugu.