Ester 8:11 - Songhai de Gao Bible

¹¹ Batagawey ra, i daŋ kaŋ kokoyoo nee kaŋ koyra foo kul ra Alyahuudey ga hin ka marga ka wongu ka ngi boŋ hallasi. A nee kaŋ dumi kul wala laamaa zamnari kul kaŋ borey kaa kʼi wongu, Alyahuudey ga hin kʼi kar kʼi halaci hala i ma ben. I ga hin ka ngi iberey woyey nda izey wii, ka ngi kabehayey zaa.

Ester 8:11 ပူးပေါင်းရင်းမြစ်များ

Ester 3:13

Dontokawyaŋ na batagawey ka koy kokoyoo laamaa zamnarey kul ra, ka nee kaŋ i ma Alyahuudey kul halaci, kʼi wii kʼi tuusu, kʼa dii za aru sooga hala aru žeena, nda zanka, nda woy, woo kul ma teendi zaari folloku ra, handu woy cindi hinkantoo (12to) zaari woy cindi hinzantoo (13to) ra, maanaa Adar handoo ra. I ma ngi almanoo taa sanda alganiima.

Ester 9:18

Haya kaŋ ti Sus koyraa Alyahuudey, i na cere marga handoo jirbi woy cindi hinzantoo (13to) nda woy cindi taacantoo (14to) hane. Handoo jirbi woy cindi guwantoo (15to) hane i hunanzam, i nʼa tee hoyandi nda ɲaali zaari.

Zaburey 137:8

Woy-izoo kaŋ ti Babiloŋ, ni kaŋ ga kaa ka halacandi, goy futaa kaŋ nʼnʼa tee ir se, boraa duu gomni kaŋ ga nga cine tee ma ne.

Zaburey 68:3

Sanda takaa kaŋ nda dullu ga dere, nʼgʼi derandi, sanda takaa kaŋ nda suma ga menne nuune ra, boro laaley ga dere Irkoy jine.