Ester 7:10 - Songhai de Gao Bible

¹⁰ I na Haman deeji bundoo ga kaŋ a nʼa hanse Mardoše se. Woo ra kokoyoo futayyanoo zunbu.

Ester 7:10 ပူးပေါင်းရင်းမြစ်များ

Šintinoo 40:22

Ŋaahaya hansekey jineboraa, a nʼa deeji kʼa wii sanda takaa kaŋ nda Isufi na handirey feeri i se.

Ester 2:1

Hayey wey banda ga, kokoyoo Serses futayyanoo zunbu. A hongu Wasti, hayaa kaŋ a nʼa tee nda hayaa kaŋ kayandi a se nga misoo ra.

Ester 5:14

Nga wandoo Zereš nda nga cerey kul nee a se kaŋ hayaa kaŋ a ga hima kʼa tee manʼti kala ka bundu kuku kaŋ goo nda kabe daaru woyguu (50) tee, de suba a ma nee kokoyoo se kaŋ a ma Mardoše deeji bundoo ga. Woo ga, a ma koy nda ɲaali hoyandoo dogoo ra. Šennoo woo kan Haman se. A na bundoo tee.

Ester 7:7

Kokoyoo too nda futay, a hun hoyandidogoo ra, a koy kokoy hugoo saddiɲaa ra. Haman cindi no din a ga kokoy woyoo Ester suurandi a ma nga hundoo naŋ nga ra, zama a dii kaŋ kokoyoo na bone kayandi nga se.

Ester 7:8

Kokoyoo hun saddiɲaa ra ka willi kate hoyandoo dogoo ra waatoo hunday kaŋ Haman goo ma nga boŋ warra kargaa ga kaŋ boŋ Ester goo. Kokoyoo nee: «Koyne mo ni mma kaŋ kokoy woyoo ga ay jinoo ra, ay hugoo ra!» Harfey wey mana hun kokoyoo miɲoo ra ka ben kaŋ i na Haman moɲey haw.

Ester 8:7

Kokoyoo Serses nee kokoy woyoo Ester nda Alyahuudoo Mardoše se: «Ay na Ester noo Haman hugoo, nga a deejandi bundu kuku ga, zama a baa nga ma Alyahuudey halaci.

Ester 9:14

Kokoyoo nee kaŋ i mʼa tee. Yaamaroo feendi Sus, i na Haman izʼaru woyaa (10) deeji.

Ester 9:25

Amma waatoo kaŋ šennoo too kokoyoo do, a hantum ka nee kaŋ hawandifutaa kaŋ a nʼa kayandi Alyahuudey se ma zunbu a boŋ! I nʼa deeji bundu kukoo ga, nga nda nga izʼarey.

Ayuba 18:8

Zama cewey gʼa cahãndi ka huru sankay ra, kumsaa moɲey ra a ga dira,

Ayuba 20:8

A ga dere sanda handiri, boro si yee koyne ka dii a, i gʼa gaaray sanda bangayyan kaŋ teendi cijin here.

Zaburey 37:15

Ngi takubawey ga huru ngi boŋ biney ra, ngi birawey ga kayri.

Zaburey 7:16

A ga guusu kuku fanši, de mo a kaŋ guusoo ra kaŋ nga hunday nʼa tee.

Zaburey 94:23

I ga ngi šerretaray jaŋaa kaŋandi i boŋ, ka ngi goy futawey kʼi halaci, Abadantaa, ir Koyoo gʼi halaci.

Yaasawey 11:27

Boro kaŋ ga ihenna ceeci ga duu alhormo, boro kaŋ ga ifutu ceeci ga duu ifutu.

Yaasawey 11:8

Boro šerrante ga hun torrowey ra, boro futu ga huru dogoo ra.

Yaasawey 26:27

Boro kaŋ na guusu fanši ga kaŋ a ra, tondoo ga yee boraa ga kaŋ gʼa gunguray.

Alkaaley 15:7

Samsoŋ nee i se: «Zama war na woo tee, ay si goro nda ay manʼay boŋ faasa war ra.»