Ester 5:11 - Songhai de Gao Bible

¹¹ Haman filla i se haya kaŋ ti alman beeroo kaŋ goo nga se, nda izʼarey hinnaa, nda takaa kul kaŋ nda kokoyoo na nga jer boŋkoyney nda kokoyoo borey kul jine.

Ester 5:11 ပူးပေါင်းရင်းမြစ်များ

Šintinoo 31:1

Han foo Yakuba maa Labaŋ izʼarey ga nee: «Yakuba nʼir baabaa hayey kul zaa. Ir baabaa hayey nda a na almanoo woo kul tee.»

Ester 1:4

A nka woo tee hala nga ma nga almankoynitaraa, nda nga kokoytaraa daržaa, nda nga hini jerantaa cebe i se. Hooraa tee zaari boobo, a na jirbi zangu nda woyyaaha (180) tee.

Ester 3:1

Hayey wey banda ga, Kokoyoo Serses na Hamedata kaŋ ti Agag boro izʼaroo Haman beerandi. A nʼa jer kʼa gorandi nga gandaa boŋkoyney kul boŋ.

Ester 8:15

Mardoše hun kokoyoo do. Kokoy bankaaray kaŋ teendi nda šukka bula nda leŋ kaaray goo jindoo ra, wura kokoy fuula beeri goo boŋoo ra, burmusu kaŋ teendi nda šukka baana nda iciray henna goo a ga. Sus koyraa kul goo ɲaali beeri ra, i yafarhã.

Zaburey 49:6

Macin se ay ga hunbur bone zaari, waati kaŋ almunafikey goy futawey gʼay kuubi kʼay bere?

Zaburey 49:7

Ngi kabehayey ra i ga ngi naanaa daŋ ka fooma nda ngi alman beeroo.

Zaburey 52:9

«Boraa ne kaŋ mana Irkoy tee nongoo kaŋ ra a ga tugu, boraa kaŋ mana nga boŋ wakkal kala alman ga, a hongu kaŋ goy futawey no ma kay nga se!»

Marku 10:24

Šenney kaŋ a nʼi har hanse ka taalibey boŋey haw. Isa yee ka nee i se: «He zankey, Irkoy Laamaa huruyanoo ga šendi!

Timote bataga 1na 6:17

Borey yaamar kaŋ ti zamanoo woo almankoyney, i masi tee bolsanteyaŋ, i masi ngi naataa daŋ alman ra kaŋ si cindi. I ma ngi naataa daŋ Irkoy ra kaŋ ga haya kul noo ir se nda booboyan hala ir ma daame a ra.