Ester 4:8 - Songhai de Gao Bible

⁸ Yaamaroo kaŋ hantumandi kaŋ fatta Sus koyraa ra, Alyahuudey halaciyanoo se, a na nga mo noo a se hala a ma koy a cebe Ester se ka alhabar daŋ a ra. Mardoše nka daŋ Ester ma koy kokoyoo do ka alhormo wiri a ga kʼa suurandi nga dumoo se.

Ester 4:8 ပူးပေါင်းရင်းမြစ်များ

Ester 2:20

Hala sohõ Ester mana dumoo har kaŋ ga nga hun, a mana nga alkabiilaa har sanda takaa kaŋ nda Mardoše nʼa har a se waatoo kaŋ a gʼa biiri.

Ester 4:9

Hatak koy Mardoše šenney too Ester do.

Ester 8:6

Taka foo nda ay ga hin ka dii bone ga kaŋ ay dumoo ga? Taka foo nda ay ga hin ka dii ay borey ga dere?»

Ayuba 9:15

Ba nda ay tee šerrante ay si hin kʼa zaabi. Ay ga hima kʼay ciitikaa suurandi.

Zaburey 122:6

Wa ŋaaray alaafiya ma kaa Žerizalem! Yala borey kaŋ ga baa ni ma huna lakkalkanay ra!

Yaasawey 21:1

Kokoy bine ga hima nda gooruyaŋ Abadantaa kaboo ra, a gʼa bere ka koy nongu kaŋ kan a se here.

Waazukaa 10:4

Nda boraa kaŋ ga laama futu ni ga, masi hun ni dogoo ra, zama suuri ga zunubu boobo ganji.

Teegoyey 12:20

Herod hanse ka futu Tir nda Sidoŋ borey ga. Amma i tee affoo ka kaa a do, i na kokoyoo kanihugoo jineboraa kaŋ ti Blastus fahamandi a ma yadda. I na alaafiya wiri Herod ga, zama ngi gandaa hunaa si hun kala kokoyoo gandaa ra.

Timote bataga 1na 6:13

Ay ga [ni] yaamar Irkoy jine kaŋ ga hundi daŋ haya kul ra nda Almasihu Isa jine kaŋ na seedetaray henna tee Pons Pilat jine,

Timote bataga 1na 6:17

Borey yaamar kaŋ ti zamanoo woo almankoyney, i masi tee bolsanteyaŋ, i masi ngi naataa daŋ alman ra kaŋ si cindi. I ma ngi naataa daŋ Irkoy ra kaŋ ga haya kul noo ir se nda booboyan hala ir ma daame a ra.