Efez borey batagaa 5:16 - Songhai de Gao Bible

¹⁶ kaŋ ga goy nda waatoo kaŋ war duu a, zama zaarey wey ga laala.

Efez borey batagaa 5:16 ပူးပေါင်းရင်းမြစ်များ

Šintinoo 29:7

A nee koyne: «Zaaroo ya ga kuu, waatoo mana too kaŋ ra almaney ga margandi. Wa almaney haŋandi ka koy i kur.»

Zaburey 37:19

I si haw bone waati, heray waatey ra i ga kungu.

Waazukaa 11:2

Boro iyye noo baa, hala yaaha hunday, zama nʼsi bay bone kaŋ ga kaa ka tee laboo ga.

Waazukaa 12:1

Hongu ni Takakaa ni soogataray waatoo ra za bone zaarey mana kaa, jiirey ma kaa kaŋ ra nʼga nee: «Ay si maate kaani kul.»

Waazukaa 9:10

Haya kul kaŋ ni kaboo ga hin kʼa tee, a tee, zama alaahara kaŋ ra nʼga koy, teegoy sii no, laasaabu sii no, bayray sii no, lakkal sii no.

Matiyu 25:17

Takaa din da, woo kaŋ duu ihinkaa, duu ihinka tana.

Yehiya 12:35

Isa nee i se: «Gaayoo goo war game waati kayna koyne. Hala de war goo nda gaay, wa dira a ra, kubaa masi koy hin war. Boro kaŋ ga dira kubaa ra si bay nongu kaŋ ra nga ga koy.

Rom borey batagaa 13:11

War ga waatoo bay kaŋ ra ir goo, waatoo ti woo kaŋ ra war ga hima ka tun jirboo ra. Sohõ hallasiroo man ir ka bisa ba waatoo kaŋ ir naanay.

Korent borey bataga 1na 7:26

Ay ga hongu woo haya henna no, waati šendaa kaŋ ga bara sabbu se, a ga boori boro ma cindi takaa kaŋ ga a goo.

Galati borey batagaa 1:4

Almasihu na nga boŋ noo ir zunubey maaganda se kʼir cendi kʼir kaa zaman laalaa woo ra. Woo ti Irkoy ir Baabaa ibaayoo.

Galati borey batagaa 6:10

Woo se, nda ir duu fondo, ir ma gomni tee borey kul se, waaniwaani borey kaŋ ir nda ey goo naanaa fondaa ra.

Efez borey batagaa 6:13

Woo se war ma Irkoy wongu jinawey kul zaa, hala zaari laalaa hane war ma hin ka kay i jine, tangamyanoo banda ga, war ma hin ka kay.

Efez borey batagaa 6:15

Sooluyan ka alaafiyaa Alhabar Boryaa har ma tee taamey kaŋ goo war cewey ra.

Kolos borey batagaa 4:5

Wa dira nda lakkal taray borey game, wa goy nda waatoo kaŋ war duu a.