Efez borey batagaa 4:32 - Songhai de Gao Bible

³² Wa boori cere se, war ma hinna, war ma yaafa cere se sanda takaa kaŋ nda Irkoy yaafa war se Almasihu albarkaa ra.

Efez borey batagaa 4:32 ပူးပေါင်းရင်းမြစ်များ

Samiyel 2to 7:21

Hayey kaŋ nʼna ngi allaahidoo zaa ka sawa nda ni ibaayoo maaganda se nʼna haya beerey wey kul tee kʼi bayrandi agay, ni tamoo se.

Zaburey 112:9

Boro kaŋ ga talkey noo ka gomni doori i boŋ, nga šerretaraa ga cindi hala abada. Nga gaaboo ga tonton nda darža.

Zaburey 145:9

Abadantaa ga boori boro kul se, nga tamallaa goo nga kabe goyey kul ga.

Yaasawey 12:10

Boro šerrante ga adabbawey dii henna, boro futu hinnaroo ti laalay.

Yaasawey 19:11

Boro kaŋ goo nda lakkal ga suuri, nga beeraa ti a ga dirɲa tooɲeroo kaŋ teendi a se.

Yaasawey 19:22

A ga boori adamize ma borohennataray cebe, talka baa taariharkaw.

Matiyu 6:12

Ir alhakey yaafa ir se, sanda takaa kaŋ nda ir, ir ga yaafa borey se kaŋ nʼir tooɲe.

Marku 11:25

Waati kaŋ war kayandi ka Irkoy ŋaaray, nda a gar dooray goo war biney ra boro se, wa yaafa a se, hala war Baabaa Irkoy mo kaŋ goo beenaa ra ma war laybey yaafa.

Luka 1:78

Zama Irkoy hanse ka hinna ir ga, woo se a ga gaay fattandi ir se kaŋ ga hima nda waynaa kaŋ ga fatta beenaa ra,

Luka 11:4

Ir zunubey yaafa ir se, zama ir hunday ga yaafa boro foo kul se kaŋ nʼir tooɲe. Masi naŋ ir ma siyandi ka kaŋ zunubu ra.›»

Luka 17:4

Nda zaaroo ra cee iyye a ga zunubu tee ma ne, de cee iyye a ga yee kate ka nee ma ne: ‹Ay nimsi nda woo kaŋ ay nʼa tee›, yaafa a se.»

Luka 6:35

Amma war, wa baa war iberey, wa haya henna tee i se. Wa garaw borey se bila nda war ma hongu kaŋ a ga yee war ga. Woo ra war ga duu sufuray beeri, de war ga tee Koy Jerantaa izey, zama nga ti anneemantaa gomnimuney nda boro laaley se.

Luka 6:37

«War masi boro ciiti, nga ra war si ciitandi. War masi alhukum zurandi boro ga, nga ra alhukum si zurandi war ga. Wa yaafa borey se, nga ra war ga yaafandi.

Teegoyey 28:2

Laboo izey nʼir kubay henna, kubayyan no kaŋ cine ga šendi. I na nuune diinandi kʼir kubay, ncirɲoo kaŋ šintin ka kara nda hargoo maaganda se.

Rom borey batagaa 12:10

Haya kaŋ ti armataray baji, war ma too nda baji cere se. Haya kaŋ ti boro beerandiyan, war ma tee boro jinaa kaŋ ga nga ceroo beerandi.

Korent borey bataga 1na 13:4

Baji ga suuri, a ga boori, a si canse, [baji] si bolsay, a si fooma,

Korent borey bataga 2to 2:10

Nda war na haya yaafa boro se, agay mo ga yaafa boraa se. Nda ay na haya yaafa, ay manʼa tee kala war maaganda se Almasihu jine,

Korent borey bataga 2to 2:7

Woo se war masʼa dii a se, war mma hima ka yaafa a se, war ma binoo daŋ hala binemarayyan beeri masi koy duu a.

Korent borey bataga 2to 6:6

nda henanyan, nda bayray, nda suuri, nda borohennataray, nda Hundi Henanantaa, nda baji kaŋ ra almunafikitaray sii,

Efez borey batagaa 5:1

War ma tee Irkoy dendenkey, war manʼti kala nga izey, nga baakey.

Žak batagaa 5:11

Nga ne, borey kaŋ ga muɲe duu gomni. War maa Ayuba muɲeyanoo alhabaroo, war dii kokoroo kaŋ ir Koyoo nʼa noo a se, ir Koyoo ga hanse ka tamalla, a ga hinna.

Piyer bataga 2to 1:7

ka armataray baji tonton Irkoy ganayan ga, ka baji tonton armataray baji ga.

Yehiya bataga 1na 1:9

Nda ir yadda ir zunubey ga, ir nʼi har, Irkoy ga laadir a ga šerre kʼir zunubey yaafa ir se ka ifutu kul kaa ir ga kʼir henanandi.

Yehiya bataga 1na 2:12

Ay zankey, ay ga hantum war se, zama war zunubey yaafandi Isa maaɲoo albarkaa ra.

Rutti 2:20

Nawomi nee nga nzuraa se: «Abadantaa ma albarka daŋ aroo woo ra, nga kaŋ gomnoo ga hanga hundikoyney nda bukawey kul.» Nawomi yee ka nee a se: «Aroo woo ti ir boro maana. A goo mo borey ra kaŋ ga hima kʼir zaa.»