Efez borey batagaa 4:25 - Songhai de Gao Bible

²⁵ Woo maaganda se wa taari naŋ, war affoo kul ma cimi har ceroo se, zama ir manʼti kala cere gaaham nonguyaŋ.

Efez borey batagaa 4:25 ပူးပေါင်းရင်းမြစ်များ

Kokoyey 1na 13:18

Aru žeenaa nee a se: «Agay hunday manʼti kala annabi sanda ni. Almalayka ka Abadantaa šennoo ka too ay do ka nee ya ne: ‹Koy aroo do kʼa ka willi ni do a ma ŋaayan ŋaa, a ma hari haŋ.›» Nda cimi, aru žeenaa nka taari a se.

Zaburey 119:29

Ay moorandi taari fondo, alhormo tee ya ne ka ni ašariyaa bayrandi ya ne!

Zaburey 15:2

Kala boraa ma tee boro kaŋ nga dira takaa ga henan, a ga goy nda šerretaray, a ga cimoo har kaŋ goo binoo ra.

Zaburey 52:3

Ni, wongaari, macin se nʼga fooma nda ifutu? Irkoy borohennataraa goo no zaaroo kul.

Fattaroo 23:7

Ma mooru haya kaŋ ti taari. Masi boro kaŋ mana haya kul tee wii, masi boro šerrante wii, zama tooɲante, ay sʼa dii boro šerrante.

Yaasawey 12:17

Cimi harkaw ga šerretaray faaba, seedezooru mma darga.

Yaasawey 12:19

Mee kaŋ ga cimi har ga tabati waati kul, amma deene taariharkaa si gay a ga bara.

Yaasawey 12:22

Mee kaŋ ga taari manʼti kala almuhal Abadantaa se, borey kaŋ ga dira laadirtaray ra ga kan a se.

Yaasawey 21:6

Alman kaŋ duwandi taari ra ga hima nda hew kaŋ ga bisa kaŋ ga boro ka koy buuyan here.

Yaasawey 24:28

Masi seedetaray tee ni cinaa ga bila addalil, ni mma baa ma ni miɲoo ka darga wala?

Yaasawey 6:17

Ka moo daabu borey ga, nda deene kaŋ ga taari, nda kabe kaŋ ga boro kaŋ mana haya kul tee kuroo mun,

Yaasawey 8:7

Zama ay miɲoo ga cimoo har, laalay manʼti kala almuhal ay meetuwey se.

Sargarey 19:11

War masi zay, war masi war gandaa boro zanba, war masi war gandaa boro hiila.

Yehiya 8:44

War, war hun war baabaa ga kaŋ ti Ibilisi. War baabaa boonawey no war ga baa war mʼi tee. Woo din, za šintinoo ga borowiikaw no. A si kay cimoo ra, zama cimi sii a kone. Waati kaŋ a ga taari, nga boŋ hayey ga a goo, zama taariharkaw no, taarey baabaa no.

Rom borey batagaa 12:5

takaa din da, ir kaŋ ti iboobaa, ir manʼti kala gaaham folloku Almasihu ra. Ir affoo kul manʼti kala cere gaaham nonguyaŋ.

Korent borey bataga 1na 10:17

Takula folloku bara, ir kaŋ ti iboobaa manʼti kala gaaham foo, zama ir ga marga takula follokaa ra.

Korent borey bataga 2to 7:14

Ay na war ka fooma a jine, amma ay mana haw. Takaa kaŋ nda ir ga cimoo har war se haya kul ra, takaa din nda ir na war ka fooma Tit jine, a tee cimi.

Efez borey batagaa 4:15

Amma ir ga cimoo har baji ra, woo ra ir ga tonton haya kul here boraa kaŋ ti boŋoo albarkaa ra, Almasihu.

Efez borey batagaa 4:22

maanaa war na war teegoy žeeney naŋ, ka attabiya žeenaa kaa war ga kaŋ ga funbu ka hanga boonay dargantey bande.

Efez borey batagaa 4:31

War ma dooray kul, nda binetunay, nda futay, nda zahãyan, wala wowi, nda laalay kul moorandi war.

Efez borey batagaa 5:30

zama ir manʼti kala nga gaahamoo nonguyaŋ.

Kolos borey batagaa 3:8

Amma sohõ war mo ma hayey wey kul naŋ kaŋ ti: futay, nda binetunay, nda laalay, nda wowi, nda šenni haawinte kaŋ ga hun war miɲey ra.

Kolos borey batagaa 3:9

War masi taari cere se, zama war na war attabiya žeenaa nda nga teegoyey kaa war ga sanda darbay,

Timote bataga 1na 1:10

nda borey kaŋ ga woy nda aru izefututaray tee, nda arey kaŋ ga marga nda arey, nda borey kaŋ ga borey haamay, nda taariharkey, nda taarižeekey, nda haya kaŋ si koy cawyan cimoo bande.

Timote bataga 1na 4:2

kaŋyaŋ ti almunafiki nda taariharkaw, biney ga kogu ma nee haya kaŋ guuru konna ciray ka žeeri tee i ga.

Tit batagaa 1:12

Ngi affoo kaŋ ti ngi hunday annabi, a nee: «Kret gungoo borey, waati kul taariharkawyaŋ no, adabba futuyaŋ, fuyyanteyaŋ kaŋ si hongu haya kul kala ŋaayan.»

Tit batagaa 1:2

I ma duu hunayan abadantaa naataa kaŋ Irkoy kaŋ si taari na nga allaahidoo zaa za alwaatey kul jine.

Eberewey batagaa 12:1

Woo se ir mo, zama seede jamaa woo gʼir kuubi kʼir bere, ir ma jeeje kul nda zunubu kaŋ ga cahã kʼir daabu fur, ir ma zuraa zuru kaŋ goo ir jine nda muɲeyan.

Žak batagaa 1:21

Woo se war ma žiibi kul naŋ, nda laalay futu kul, wa Šennoo kaŋ dumandi war biney ra dii nda bineyaynay, a goo nda hini ka war hundey hallasi.

Piyer bataga 1na 2:1

Woo maaganda se war ma laalay kul nda zanbayan kul naŋ, nda almunafikitaray, nda canseyan, nda cere maahasaraw kul.

Bangandiroo 21:8

Amma alkubey, nda borey kaŋ si naanay, nda harramantey, nda borowiikey, nda woy nda aru izefututaray teekey, nda kottekoyney, nda tooru ganakey, nda taariharkey kul bagaa manʼti kala guusu beeroo kaŋ ra nuune nda ganjibaali ga dii: woo ti buuyan hinkantoo.»

Bangandiroo 22:15

Hanšey, nda kottekoyney, nda woy nda aru izefututaray teekey, nda borowiikey, nda tooru ganakey, nda boro kul kaŋ ga baa taari wala a ga taari ma koy taray.

Alkaaley 16:11

A nee a se: «Nda i nʼay haw nda karfu taaga kaŋ mana bay ka goy, ay ga yalaafu, de ay ga tee sanda borey kul takaa.»