Efez borey batagaa 3:8 - Songhai de Gao Bible

⁸ Agay kaŋ kacca nda Irkoy boro henanantey kul, anneemaa woo nondi ya ne ka Almasihu gomnoo beeriyanoo kaŋ si hin ka bayrandi ka ben har dumey kaŋ manʼti Alyahuudu se.

Efez borey batagaa 3:8 ပူးပေါင်းရင်းမြစ်များ

Taarikey 1na 17:16

Woo ga, kokoyoo Dawda koy goro Abadantaa jine ka nee a se: «May ti agay, Irkoy Abadantaa, ay hugoo ti macin kaŋ se nʼgʼay beerandi ka too hala hinnaa woo?

Zaburey 31:19

Yala taariharkey ma benbaw, i ga šelaŋ ka boro šerrantaa kaynandi, nda meebeeray nda kaynandiyan!

Luka 14:22

Alwaati kayna banda ga, tamoo nee a se: ‹Ay koyoo, yaamaroo kaŋ nʼnʼa noo teendi, amma hala sohõ doo cindi.›

Yehiya 1:16

Hayaa kaŋ nʼa too, ir kul duu a ra, anneema ka kaa anneema.

Teegoyey 5:41

I hun hoyraykey margaroo jine nda ɲaali haya kaŋ se ngi ciitandi ka kaynandi Isa maaɲoo se.

Teegoyey 9:15

Amma ir Koyoo nee a se: «Koy, zama woo din, jinay suubante no ya ne kaŋ gʼay maaɲoo ka koy gandawey, nda kokoyey, nda Izirayel borey mo jine.

Rom borey batagaa 11:33

Irkoy gomnoo beeriyanoo, nda nga lakkaloo, nda nga bayraa ga hanse ka guusu. Nga ciitey si neešandi, nga fondawey si hin ka fahamandi.

Rom borey batagaa 12:10

Haya kaŋ ti armataray baji, war ma too nda baji cere se. Haya kaŋ ti boro beerandiyan, war ma tee boro jinaa kaŋ ga nga ceroo beerandi.

Rom borey batagaa 2:4

Ni mma Irkoy borohennataraa beeriyanoo, nda nga suuroo, nda nga batuyan kukoo kaynandi wala? Nʼsi bay kaŋ Irkoy borohennataraa mma ni tuti ma tuubi?

Korent borey bataga 1na 1:30

Amma Irkoy albarkaa ra war, war goo Almasihu Isa bande kaŋ Irkoy nʼa tee ir se lakkal, a nʼir tee boro šerrante, a nʼir henanandi, a nʼir feeri kʼir kaa zunubu ra,

Korent borey bataga 1na 15:9

Zama agay ti diyawey ikaccaa, agay kaŋ si hima ka ciyandi diyaw, zama ay na Irkoy Egilizoo gurzugay.

Korent borey bataga 1na 2:9

Sanda takaa kaŋ nda a hantumandi Citaaboo ra ka nee: «Haya kaŋ moo mana dii a, de mo haŋa mana maarʼa, haya kaŋ adamize binoo mana bay kʼa miile, woo ti hayaa kaŋ Irkoy nʼa soolu borey se kaŋ ga bagʼa.»

Galati borey batagaa 1:16

ka nga Izʼaroo bangandi ya ne, hala yʼa har dumey se kaŋ manʼti Alyahuudu, ya na nbunadam hoyraa ceeci.

Galati borey batagaa 2:8

zama Irkoy kaŋ na Piyer soolu a ma tee Alyahuudey diyaa, nga da ka agay mo soolu ya tee diyaw dumey kaŋ manʼti Alyahuudu se,

Efez borey batagaa 2:7

A na woo tee hala zamaney kaŋ ga kaa ra, a ma borohennataray ka nga anneemaa beeriyanoo kaŋ ga bisa haya kul cebe ir se Almasihu Isa albarkaa ra.

Efez borey batagaa 3:1

Woo maaganda se agay Pol tee kasa-ize Almasihu [Isa] sabboo se, war kaŋ manʼti Alyahuudu maaganda.

Efez borey batagaa 3:16

A ma kate war kunehere boraa albarkaa ma tonton nda hini nga Hundoo albarkaa ra ka sawa nda nga daržaa beeriyanoo,

Efez borey batagaa 3:19

Koyne mo ka Almasihu bajoo bay kaŋ bisa bayray kul ka too met nda Irkoy beeriyanoo kul.

Efez borey batagaa 3:2

Šikka sii kaŋ war maa Irkoy anneemaa goyoo kaŋ nondi ya ne war maaganda se.

Filipi borey batagaa 2:3

War masi haya kul tee nda alhaasiditaray, wala nda foomataray, amma boŋ-yeeti-gandayan ma kate war affoo kul ma nga ceroo guna sanda boro kaŋ bisa nga.

Filipi borey batagaa 4:19

Ay Koyoo ga war almušakkawey kul hanse nga alman daržantaa ra Almasihu Isa bande.

Kolos borey batagaa 1:27

Ngi se Irkoy baa nga ma sirroo woo daržaa beeriyanoo bayrandi gandawey ra. Sirroo ti: Almasihu goo war game, woo ti naataa kaŋ war ga duu daržaa.

Timote bataga 1na 1:13

ba kaŋ se ay na maaɲoo futandi ka bisa, ka tee gurzugandikaw, boro wowkaw, amma Irkoy tamalla ya ne, zama ya nkʼi tee lakkal jaŋay nda naanay jaŋay ra.

Timote bataga 1na 1:15

Šennoo woo, šenni hakiikante no, a ga hima ka diyandi nongoo kul here kaŋ Almasihu Isa nka kaa aduɲɲa ra ka zunubantey hallasi kaŋyaŋ agay ti i kul ibeeroo.

Timote bataga 1na 2:7

Nga se ay tee waazukaw, nda diyaw, nda cawandikaw dumey kaŋ manʼti Alyahuudu se naanaa nda cimoo ra. Cimoo no ay gʼa har, ay si taari.

Timote bataga 2to 1:11

Alhabar Boryaa woo maaganda se ay tee waazukaw, nda diyaw, nda cawandikaw.

Bangandiroo 3:18

Ay ga ni hoyray, ma wura kaŋ henanandi nuune ra day ay do hala ma tee almankoyni, nda darbay kaarayyaŋ kaŋ ga ni daabu, ni gaa koonoo haawoo masi fatta, nda safari kaŋ ga daŋandi ni moɲey ga hala ma duu ka dii.