Efez borey batagaa 2:13 - Songhai de Gao Bible

¹³ Amma sohõ, Almasihu Isa bande, war kaŋ waatoo din war ga mooru, Almasihu kuroo na war manandi.

Efez borey batagaa 2:13 ပူးပေါင်းရင်းမြစ်များ

Zaburey 22:7

Agay, nooni ti agay, ay manʼti adamize, adamizey gʼay wow, ay jamaa gʼay kaynandi.

Zaburey 73:27

Zama nga ne, borey kaŋ mooru ni ga, ga halaci, boro kul kaŋ ga izefututaray tee ni ga, nʼgʼa tuusu.

Yehiya 10:16

Ay goo nda feejiyaŋ kaŋ sii kaloo woo ra. Wey din mo, kala ya kate ey. I ga maa ay jindoo, i ga tee kur foo, kurkaw foo.

Teegoyey 15:14

Simoŋ na takaa filla kaŋ nda Irkoy jin ka ɲeli dumey ga kaŋ manʼti Alyahuudu ka jama tee i ra nga maaɲoo se.

Teegoyey 2:39

Zama war, nda war zankey, nda borey kul kaŋ ga mooru kaŋ ir Koyoo Irkoy ciya i se i ma kaa nga do, wane nda allaahidoo.»

Teegoyey 22:21

A nee ya ne: ‹Koy, zama agay, ay ga ni sanba nongu mooro ra dumey do kaŋ manʼti Alyahuudu.›»

Teegoyey 26:18

hala ma moɲey feeri, i ma bere ka hun kubaa ra ka koy gaayoo ra, ka hun Ibilisi hinoo cire ka koy Irkoy do hala i ma duu zunubey yaafaa, ka duu baa borey bande kaŋ yeetandi jere ga Irkoy se ngi naanaa kaŋ i nʼa daŋ ay ra maaganda se.›»

Rom borey batagaa 8:1

Adiši sohõ borey kaŋ goo Almasihu Isa bande, zukandiyan kul si duu ey.

Korent borey bataga 1na 1:30

Amma Irkoy albarkaa ra war, war goo Almasihu Isa bande kaŋ Irkoy nʼa tee ir se lakkal, a nʼir tee boro šerrante, a nʼir henanandi, a nʼir feeri kʼir kaa zunubu ra,

Korent borey bataga 1na 12:13

Zama ir kul batizandi ka tee gaaham folloku Hundi folloku albarkaa ra, a ma tee Alyahuudu, wala Grek, wala baɲɲa, wala borcin, ir kul haŋ Hundi folloku ra.

Korent borey bataga 1na 6:11

Woo ti haya kaŋ war affooyaŋ cindi ka ti a. Amma war ɲumayandi, war jisandi jere ga Irkoy se, war tee boro šerranteyaŋ ir Koyoo Isa Almasihu maaɲoo nda Irkoy Hundoo albarkaa ra.

Korent borey bataga 2to 5:17

Woo se boro kaŋ goo Almasihu bande, boraa nka tee takari taaga, haya žeeney ben, nga ne, hayey [kul] tee itaji.

Galati borey batagaa 3:28

Woo ra Alyahuudu wala Grek sii no, baɲɲa wala borcin sii no, aru wala woy sii no, zama war kul ti affoo Almasihu Isa bande.

Efez borey batagaa 1:1

Agay Pol kaŋ ti Almasihu Isa diyaw Irkoy ibaayoo ra ka batagaa woo sanba Irkoy boro henanantey se kaŋ ti Almasihu Isa boro laadirantey [kaŋ goo Efez koyraa ra].

Efez borey batagaa 1:7

Nga kʼir feeri kʼir kaa zunubu ra nga kuroo albarkaa ra, a nʼir laybey yaafa ka sawa nda nga anneemaa beeriyanoo.

Efez borey batagaa 2:10

Zama ir manʼti kala Irkoy teegoy. A na Almasihu Isa kʼir taka hala ir ma teegoy henney kaŋ a nʼi soolu za gayyan ir ma hin kʼi ka dira.

Efez borey batagaa 2:12

Waatoo din war cindi ka mooru Almasihu, war sii nda fondo ka huru Izirayel jamaa ra, Irkoy amaanawey allaahidoo kaŋ a nʼa zaa, war sii nda i ra haya kul. Naata sii war se, aduɲɲa ra war cindi ka mooru Irkoy.

Efez borey batagaa 2:2

war cindi ka dira i ra sanda takaa kaŋ nda aduɲɲa ga dira ka sawa nda Ibilisi kaŋ ti hewoo hini laalaa boŋkoynoo, hundoo kaŋ ga goy sohõ da borey ra kaŋ si haŋajer.

Efez borey batagaa 2:6

A nʼir tunandi a bande kʼir gorandi a bande beenaa nongey ra Almasihu Isa albarkaa ra.

Eberewey batagaa 9:18

Woo maaganda se amaana jinaa mo mana gorandi kala nda kuri.

Piyer bataga 1na 3:18

Almasihu mo buu cee folloku zunubey maaganda se, boro šerrantaa zarabi borey kaŋ si šerre se hala nga ma war ka too Irkoy do. Gaahamoo wiiyandi, amma Irkoy Hundoo nʼa hunandi.

Bangandiroo 5:9

I ga dooni taaga don ka nee: «Nʼga hima nda ka citaaboo dii ka nga tammaasawey hawarey feeri, zama ni koosandi, nʼna ni kuroo ka boro alkabiila kul, nda šenni kul, nda jama kul, nda ganda kul day Irkoy se.