Efez borey batagaa 1:22 - Songhai de Gao Bible

²² Irkoy na haya kul daŋ Almasihu cewey cire, a nʼa daŋ haya kul jine kʼa tee Egilizoo boŋoo.

Efez borey batagaa 1:22 ပူးပေါင်းရင်းမြစ်များ

Šintinoo 3:15

Ay ga iberitaray daŋ ni nda woyoo game, ay gʼa daŋ ni hayroo nda nga hayroo game. A ga ni boŋoo motti, ni mo ga ceekoroo motti.»

Zaburey 110:1

Woo ti Dawda zabur foo. Abadantaa ka šelaŋ ay Koyoo se ka nee: «Goro ay kabe gumaa here, hala waati kaŋ ra ay na ni iberey tee ni cee-jisidogoo.»

Zaburey 91:13

Nʼga dira ganjihayla nda firsaw boŋ, nʼga ganjihayla soogo nda teekoo adabba beeri taama.

Matiyu 16:18

Agay mo gʼa har ma ne kaŋ ni ti Piyer (maanaa ‹tondi›), de mo tondoo woo boŋ ay gʼay Egilizoo cin, de mo buuyan hinoo sii nda a se hini.

Teegoyey 20:28

Wa war boŋ hawgay, war ma feeji kuroo kul hawgay kaŋ se Hundi Henanantaa na war tee jinehun, ka Irkoy Egilizoo kur kaŋ a nʼa day nda nga boŋ Izʼaroo kuroo.

Korent borey bataga 1na 11:3

Amma ay ga baa war ma bay kaŋ Almasihu ti aru kul boŋkoynoo, woy boŋkoynoo ti kurɲoo, Almasihu boŋkoynoo ti Irkoy.

Efez borey batagaa 3:21

darža ma bara a ga Egilizoo ra, a ma bara a ga Almasihu Isa albarkaa ra, zamaney kul izey ma darža daŋ a ga abada hala abada. Amin.

Efez borey batagaa 5:23

Zama kurɲe ti woy boŋkoynoo sanda takaa kaŋ nda Almasihu ti Egilizoo boŋkoynoo. Nga ti gaahamoo Hallasikaa.

Kolos borey batagaa 1:18

Gaahamoo kaŋ ti Egilizoo, nga ti boŋoo. Nga ti šintinoo, nga ti boro jinaa kaŋ tun ka hun bukawey ra, hala a ma jineborotaraa zaa haya kul ra.

Kolos borey batagaa 1:8

A na bajoo bayrandi ir se kaŋ Irkoy Hundoo nʼa noo war se.

Kolos borey batagaa 2:10

Nga do war duu haya kul, nga ti kokoytaray kul nda hini kul jineboraa.

Kolos borey batagaa 2:19

Borey wey dumey nda kunturoo boŋoo kaŋ ti Almasihu sii cere ga. Nga ra kunturoo kul duu nga hunaa. Nga no ma kunturoo dii cere ga ka dobey nda linjey denjandi cere ga. Kunturoo tontonyanoo si hun kala Irkoy do.

Timote bataga 1na 3:15

Amma nda ay gay ay mana kaa, ma takaa bay kaŋ nda boro ga hima ka dira Irkoy hugoo ra kaŋ ti Irkoy hunantaa Egilizoo, kaŋ ti hugoo ganjoo nda asaasoo kaŋ ga cimoo ga kay.

Eberewey batagaa 2:8

Nʼna haya kul daŋ cewey cire.» Sohõ kaŋ Irkoy na haya kul daŋ a cire, a mana haya kul naŋ kaŋ sii a cire. Sohõ da ir si dii kaŋ haya kul sii kala a cire.