Eberewey batagaa 8:1 - Songhai de Gao Bible

¹ Šennoo kul kaŋ ir gʼa har gaaboo manʼti kala: sargari juwalkey jineboraa woo, nga dumoo bara ir se, a goo ma goro Koy Jerantaa kokoy gorodogoo kabe gumaa ga beenaa ra.

Eberewey batagaa 8:1 ပူးပေါင်းရင်းမြစ်များ

Kolos borey batagaa 3:1

Aywa, nda war tun Almasihu bande bukawey ra, wa hayey ceeci kaŋ goo beene kaŋ ra Almasihu ga goro Irkoy kabe gumaa ga.

Eberewey batagaa 1:3

Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.

Bangandiroo 3:21

Boro kaŋ hin, ay gʼa noo a ma goro ay bande ay kokoy gorodogoo ra, sanda takaa kaŋ nda agay mo, ay hin, ay goro ay Baabaa Irkoy bande nga kokoy gorodogoo ra.”›

Eberewey batagaa 12:2

Ir mʼir moɲey kanji Isa ga kaŋ ti naanayyan koyoo, nga ti timmandikaa. Ɲaaloo kaŋ gʼa batu maaganda se, a yadda ka buu kanjandibundoo ga, a mana haawoo guna kaŋ goo a ra, a goo ma goro Irkoy kokoy gorodogoo kabe gumaa ga.

Eberewey batagaa 2:17

Woo maaganda se haya kul here a ga hima ka hima nda nga armey hala a ma tee ngi sargari juwalkey jineboraa kaŋ ga hinna a ga laadir Irkoy goyoo ra ka jamaa zunubey tuusu.

Eberewey batagaa 10:12

Amma Almasihu na sargari folloku kaa kaŋ ga zunubu yaafa, woo banda ga, a goro Irkoy kabe gumaa ga hala abada.

Zaburey 104:1

Ay hundoo, albarka tee Abadantaa se! Abadantaa, ay Koyoo, nʼga hanse ka beeri, beeray nda daržaa goo ni ga sanda bankaaray.

Zaburey 21:5

A na hunayan wiri ni ga, nʼnʼa noo a se, nda aloomur kuku waati kul hala abada.

Taarikey 1na 29:11

Abadantaa, jeeray, nda hini, nda darža, nda annuura, nda beeray manʼti kala ni wane, zama haya kul kaŋ goo beenaa ra nda laboo ga, i kul ti ni wane Abadantaa. Kokoytaray mo ti ni wane, Abadantaa. Ni goo haya kul boŋ.

Eberewey batagaa 1:13

Almalaykey ra, may se Irkoy bay ka nee: «Goro ay kabe gumaa here, hala waati kaŋ ra ay na ni iberey tee ni cee-jisidogoo»?

Efez borey batagaa 6:20

Alhabar Boryaa woo se ay tee dontokaw, nga se ay goo gaalayaŋ ra. Wa Irkoy ŋaaray hala ya hin kʼa har kaaray, sanda takaa kaŋ ay ga hima kʼa tee.

Zaburey 145:12

ka ni teegoy beerey har adamizey se nda ni laamaa daržante hennaa.

Zaburey 110:1

Woo ti Dawda zabur foo. Abadantaa ka šelaŋ ay Koyoo se ka nee: «Goro ay kabe gumaa here, hala waati kaŋ ra ay na ni iberey tee ni cee-jisidogoo.»

Ayuba 37:22

Gaay kaŋ ga hima wura ga nere ka hun hawsa here. Irkoy daržaa ga hunburandi!

Marku 16:19

Kaŋ ir Koyoo Isa šelaŋ i se ka ben, a zandi ka koy beenaa ra, a goro Irkoy kabe gumaa here.

Eberewey batagaa 3:1

Woo maaganda se, agʼarma henanantey kaŋ goo nda baa ciyayanoo ra kaŋ hun beenaa ra, wa Isa guna kaŋ tee diyaw a tee sargari juwalkey jineboro ir naanaa fondaa kaŋ ir gʼa har ra.

Eberewey batagaa 4:14

Sohõ kaŋ sargari juwalkey jineboro beeri goo ir bande kaŋ ti Isa, Irkoy Izʼaroo kaŋ na beenawey kottu ka bisa, ir ma gaabu ir naanaa haryanoo ga.