Eberewey batagaa 2:1 - Songhai de Gao Bible

¹ Woo maaganda se ir ga hima ka hanse ka hawa hayey kaŋ ir maarʼey ga hala ir masi fondaa naŋ.

Eberewey batagaa 2:1 ပူးပေါင်းရင်းမြစ်များ

Taarikey 1na 22:13

Abadantaa hantumey, nda nga hantumey kaŋ kayandi kaŋ a nʼi noo Musa se a mʼi har Izirayel se, nda ni gaabandi ka dira i bande, woo ra ni teegoyey ga boori. Ma albarka daŋ ni boŋ ra, ma bine tee, masi hunbur, masi joote.

Zaburey 119:9

Taka foo nda soogo ga nga dira takaa henanandi? Kala a ma dira ka sawa nda ni meešennoo.

Yaasawey 3:21

Ay izʼaroo, lakkal nda miile henna dii, i masi mooru ni moɲey cire.

Matiyu 16:9

War si faham hala sohõ, war si hongu takula guwaa kaŋ zamnandi boro zenber guwaa (5.000) se, kokondo mee marje no ka cindi kaŋ war nʼi ka koy?

Marku 8:18

War goo nda mooyaŋ, war si dii wala? War goo nda haŋayaŋ, war si maa wala? War si hongu

Luka 8:15

Labu hennaa kaŋ ra jerey sayandi manʼti kala borey kaŋ, nda i maa Šennoo, i gʼa dii nda bine henna kaaray. I ga ize tee haya kul kaŋ ga no.»

Luka 9:44

«Wa war haŋawey kayandi ka maa hayaa kaŋ ay gʼa har. Boro-izʼaroo ga kaŋandi adamizey kabey ra.»

Yehiya 8:59

Woo ga, i na tondiyaŋ zaa ka nee ngi mʼa cetaw nda ey, amma Isa tugu ka fatta Irkoy hugu beeroo ra.

Alhukumoo 4:23

Wa war boŋ hawgay, war masi koy dirɲa amaanaa kaŋ Abadantaa, war Koyoo nʼa daŋ nga nda war game, ka koy tooru hanse, a ma tee kunturu kul kaŋ no kaŋ Abadantaa, ni Koyoo na ni yaamar masʼa tee.

Alhukumoo 4:9

«Amma ni boŋ hawgay, ma ni boŋ lakkal ni hunaroo kul ra, masi koy dirɲa hayey kaŋ ni moɲey dii ey i ma hun ni binoo ra. Mʼi bayrandi ni izey se nda ni izey izey se.

Eberewey batagaa 12:5

War nka dirɲa hoyraa kaŋ ga šelaŋ war se sanda izeyaŋ, a nee: «Ay izʼaroo, masʼir Koyoo aladaboo kaynandi kaŋ ni duu a a ga. De mo ni binoo masi hun nda a ga ni daŋ fondaa ra.

Piyer bataga 2to 1:15

Ay ga taka kul tee kaŋ ay koyyanoo banda ga, war ma hongu hayey wey waati kul.

Piyer bataga 2to 3:1

Ay baakey, sohõ woo ti ay bataga hinkantoo kaŋ ay gʼa hantum war se. Ijinaa nda ihinkantoo kul ra ay ga war lakkaley zumandi ka war tuti hala war ma duu ka hongu nda fondaa.