Eberewey batagaa 1:9 - Songhai de Gao Bible

⁹ Šerretaray no ma kan ma ne, nʼga konna ifutu. Woo se Irkoy, ni Koyoo na ni yon nda ɲaali jii, ka baa ni ka bisa ni hangasiney.»

Eberewey batagaa 1:9 ပူးပေါင်းရင်းမြစ်များ

Zaburey 11:5

Abadantaa ga boro šerrantaa sii, amma a ga konna ilaalaa kaŋ ga baa goy futu.

Zaburey 119:104

Ni hayey kaŋ nʼnʼi har gʼay noo lakkal, woo se ay ga konna taari fondo kul.

Zaburey 119:128

Woo se, ay ga hayey kul dii šerrante kaŋ nʼnʼi har, ay ga konna taari fondo kul.

Zaburey 2:2

Laboo kokoyey ga soolu wongu se. Boŋkoyney ga cere marga ka tee affoo Abadantaa ga nda nga suubantaa kaŋ yonandi ga.

Zaburey 2:6

«Agay hunday no kʼay kokoyoo gorandi Siyoŋ tondi hondu henanantaa ga.»

Zaburey 23:5

Nʼga ŋaayan gorandi ay jine, kʼay torrokey tenje, nʼgʼay boŋoo yon nda jii, kʼay potoo too hala a ma mun.

Zaburey 33:5

Šerretaray nda cimi ga kan a se, Abadantaa borohennataraa ga laboo too.

Zaburey 37:28

Zama Abadantaa si baa kala cimi, a si nga ganakey naŋ. Waati kul a ga lakkal daŋ i se, amma boro futawey hayroo ka halaci.

Zaburey 40:8

Woo se ay nee: «Nga ne, agay ne ma kaa, sanda takaa kaŋ nda a hantumandi ay ga citaabu kunkunantaa ra.»

Zaburey 45:6

Ni biraw-izey miɲey ga kan, jamayaŋ ga kaŋ i cire, i ga huru kokoyoo iberey biney ra.

Zaburey 45:7

Ya Irkoy, ni kokoy gorodogoo ga cindi abada hala abada, ni kokoytaraa goboo manʼti kala šerretaray gobu.

Zaburey 89:20

Waatoo din nʼga šelaŋ ni ganakey se bangayyan ra, nʼga nee: «Ay na wongaari faaba, ka zankaaru jer jamaa game.

Zaburey 89:26

Ay ga teekoo daŋ kaboo ra, ka isawey daŋ kabe gumaa ra.

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Kabuyaney 7:43

Nga gomnoo manʼti kala: nzorfu kaaray taasa kaŋ tiŋaa ti kilo foo nda jere cine, nda nzorfu kaaray kusu kaŋ tiŋaa ti garam zangu yaaha (800) cine ka sawa nda nongu henanantaa nzorfu kaaray tammaa alkadaroo. I kul ga too nda farin hamni kaŋ loobandi nda jii taasu sargaroo se,

Luka 4:18

«Ir Koyoo Hundoo goo ay ga. A nʼay suuba kʼay yon hala ya kate Alhabar Boryaa misikiiney se. A nʼay sanba hala ya kasa-izey feeriyanoo har i se, ya danawey moɲey hay, ya laazaabantey feeri,

Yehiya 1:41

Andere jin ka dii nga armaa gundoo Simoŋ ka nee a se: «Ir dii Isuubantaa» kaŋ maanaa ti «Almasihu».

Yehiya 10:17

Woo se Baabaa Irkoy ga baa agay, zama agay, ay gʼay hundoo noo buuyan se, hala ya yee ka duu a.

Yehiya 20:17

Isa nee a se: «Masʼay dii, zama ya na žigi ka koy [ay] Baabaa Irkoy do jina. Amma koy agʼarmey do, de ma nee i se kaŋ ay ga žigi ka koy ay Baabaa do kaŋ ti war Baabaa, ay Koyoo do kaŋ ti war Koyoo.»

Yehiya 3:34

Zama boraa kaŋ Irkoy nʼa sanba, Irkoy šenney no a gʼi har, zama Irkoy si nga Hundoo neeši kʼa noo.

Teegoyey 10:38

Isa Nazaret boraa, takaa kaŋ nda Irkoy nʼa yon nda Hundi Henanantaa nda hini, nga kaŋ ga koy nongu nda nonguyaŋ ra ka teegoy henna tee, ka borey noo baani kaŋ Ibilisi nʼi daŋ nga hinoo cire, zama Irkoy goo a bande.

Teegoyey 4:26

Laboo kokoyey nda alwakiiley tun ka cere marga kʼir Koyoo nda nga Almasihu yenje.›

Teegoyey 4:27

Zama nda cimi, koyraa woo ra ni tam henanantaa kaŋ ti Isa kaŋ nʼnʼa yon kʼa tee Almasihu ga Herod, nda Pons Pilat mo, nda gandawey, nda Izirayel jamaa marga

Rom borey batagaa 12:9

Almunafikitaray masi bara baji ra. Wa konna ifutu, wa gaabandi ihenna ga.

Rom borey batagaa 15:13

Irkoy kaŋ ti Naatakoyoo ma war too nda ɲaali kul nda alaafiya naanayyanoo albarkaa ra, hala war naataa ma boobo Hundi Henanantaa gaaboo albarkaa ra.

Korent borey bataga 1na 1:9

Irkoy ga laadir, nga no ka war cee ka war tee affoo nda nga Izʼaroo Isa Almasihu ir Koyoo.

Korent borey bataga 2to 11:31

Irkoy kaŋ ti ir Koyoo Isa Baabaa, albarka ma bara a ga hala abada, ga bay kaŋ ay si taari.

Galati borey batagaa 5:22

Amma hayaa kaŋ Irkoy Hundoo gʼa hay ti: baji, ɲaali, alaafiya, suuri, borohennataray, binehennay, allaahidutaray,

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Filipi borey batagaa 2:9

Woo maaganda se Irkoy hanse kʼa jer kʼa noo maa kaŋ bisa maaɲey kul,

Eberewey batagaa 2:11

Boraa kaŋ ga borey jisi jere ga Irkoy se nda borey kaŋ jisandi jere ga Irkoy se kul mana hun kala boro folloku ga. Woo se a si haw ka nee i se nga armey.

Eberewey batagaa 2:9

Amma ir ga dii Isa, waati kayna ra almalaykey bisa a hala Irkoy albarkaa ra a ma buuyan taba adamizey kul se, sohõ ir dii kaŋ darža nda beeray kokoy fuula goo boŋoo ra buuyanoo zaraboo kaŋ a nʼa zaa maaganda se.

Eberewey batagaa 7:26

Nga ti sargari juwalkey jineboro dumoo kaŋ ga ir ga too. A ga henan, a si ifutu miile, žiibi sii a ga, a ga fay ka mooru zunubantey. Irkoy nʼa jer beenawey se beene.

Piyer bataga 1na 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. Nga tamalla beeroo ra a nʼir hayandi taaga naata hunante se Isa Almasihu kaŋ tun bukawey ra albarkaa ra.

Yehiya bataga 1na 1:3

woo kaŋ ir dii a, ir maarʼa, ir gʼa har war se hala war mo, war ma huru ir margaroo ra. Ir margaroo manʼti kala Baabaa Irkoy, nda nga Izʼaroo Isa Almasihu margaroo.

Bangandiroo 2:15

Takaa din da boroyaŋ goo ni do kaŋ hawa Nikolayitey cawandoo ga.