Ayuba 7:16 - Songhai de Gao Bible

¹⁶ Ay tun a ga, ay si huna hala abada. Ay naŋ, ay zaarey manʼti kala dullu.

Ayuba 7:16 ပူးပေါင်းရင်းမြစ်များ

Šintinoo 27:46

Rebeka nee Isiyaka se: «Ay konna hunayan, Heti ize woyey sabbu se. Nda Yakuba na woy zaa, sanda wey dumey, Heti ize woyey ra, gandaa ize woyey ra, macin no hunayan gʼa nafa ya ne?»

Kokoyey 1na 19:4

Nga hunday na saajoo fondaa zaa, a na zaari foo tee a ga dira hala a too saabay foo jere kaŋ goo jere ga, a goro a cire. A nee nga boŋ se nga mma baa nga ma buu, a nee: «A wasa, sohõ Abadantaa, ay hundoo dii, zama ya na bisa ay baabey.»

Ayuba 10:1

«Ay binoo hun hunayan se! Sohõ ay ga naŋ ay dooraa ma koy a ga, ay hundoo hottayyanoo ra ay ga šelaŋ.

Ayuba 10:20

Zaari boobo nka cindi ya ne wala? Ay naŋ, fay nda agay, hala ya hin ka duu bine kayna,

Ayuba 14:6

Ni moɲey kaa a ga, ma fay nda a, hala a ma nga hunaroo benandi alaafiya ra, sanda goykaw kaŋ ga nga zaaroo banaa batu.

Ayuba 6:9

Nda Irkoy ga kayandi kʼay motti, a ma nga kaboo šerre ka tuku ay ga kʼay benandi!

Ayuba 7:15

Ay baa a ma kootandi, buuyan baa ya ne birey wey!

Ayuba 7:7

Hongu kaŋ ay hunaroo manʼti kala hunsar, ay moɲey si dii gomni koyne.

Ayuba 9:21

Ay ga laadir wala? Ay si huga nda ay boŋ. Ay konna ay hunayanoo.

Zaburey 144:4

Adamize ga hima nda harandaŋ, nga aloomuroo ga hima nda biyoo kaŋ ga bisa.

Zaburey 39:10

Ay tee suk, ay sʼay miɲoo feeri, zama ni no ma taka tee.

Zaburey 39:13

Haŋajer ay ŋaarayroo se, Abadantaa, maa ay faaba ceeci kaatiroo se, masi dangay ay hẽeney se! Zama ay manʼti kala taabuši ni do, ay manʼti kala bisakaw sanda ay baabey kul.

Zaburey 39:6

Nʼna ay jiirey kuuyanoo tee kabe hayyan diidaa, agay aloomuroo manʼti baffoo ni do. Cimi no, adamize kul, ba kaŋ a ga huna, a manʼti kala harandaŋ. Kay-kayna

Zaburey 62:9

Jamaa, waati kul war ma war naanaa daŋ Irkoy ra! Wa haya kaŋ goo war biney ra har a se! Irkoy ti nongoo kaŋ ra ir ga ir boŋ talfi. Kay-kayna

Zaburey 78:33

Woo se a na ngi jirbey benandi yaada ra ka ngi jiirey benandi hunburay ra.

Zaburey 78:39

A hongu kaŋ i manʼti kala gaaham, hew kaŋ ga koy a si willi kate.

Waazukaa 2:17

Ay konna hunayan, zama agay se hayaa kaŋ ga tee waynaa cire si boori, zama haya kul sii nda addalil sanda hew gaarandiyan.

Yunusa 4:3

Sohõ kaŋ ni takaa ti woo, Abadantaa, ay hundoo dii, zama ay baa buuyan ka bisa hunayan.»

Yunusa 4:8

Waatoo kaŋ waynaa fatta, Irkoy na dandi hew konna foo tunandi. Waynaa na Yunusa kar hala a kaŋ bininiyan se, Yunusa nee nga mma baa nga ma buu, a nee: «Irkoy, agay woo, ay baa buuyan ka bisa hunayan.»