Ayuba 38:37 - Songhai de Gao Bible

³⁷ May bara nda lakkal ka duulawey kabu, ka beenaa hunbarey šiiri ka harey doori,

Ayuba 38:37 ပူးပေါင်းရင်းမြစ်များ

Šintinoo 15:5

A na Ibirim ka koy taraa ra, a nee a se: «Beenaa guna, ma handarawey kabu, nda nʼga hin ka ngi hinnaa bay.» A yee ka nee a se: «Takaa woo no ni hayroo booboyanoo ga ti a.»

Šintinoo 7:11

Nuhu jiiri zangu idduwantoo (600to) ra, handu hinkantoo jirbi woy cindi iyyantoo (17to) ga, hanoo din, laboo cire guusu beeroo miɲey kul bagu nda hari, beenaa mo miɲey feeri.

Šintinoo 8:1

Woo banda ga, Irkoy ɲeli Nuhu nda hoogawey nda adabbawey kul ga kaŋ goo a bande harihiyoo ra. Irkoy na hew foo funsu laboo boŋ kaŋ na haroo zumandi.

Šintinoo 9:15

ay ga hongu agay amaanaa kaŋ goo agay, nda war, nda takahaya hundikoyney kul game. Ncirɲi si yee ka tee hari beeri ka takahayey kul halaci.

Ayuba 38:34

Nʼga hin ka ni jindoo jer hala duulawey ra, hala i ma ni sufa ncirɲoo haroo ra wala?

Ayuba 38:38

hala labutaasoo ma tee batakara de labu gungutey ma denji cere ga?

Ayuba 9:4

Lakkalkoyni no, nga gaaboo ga sahã, may no mʼa gande, a ma fatta nda baani?

Zaburey 147:4

A ga handarawey hinnaa kabu, a ga affoo kul cee nda nga maaɲoo.