Ayuba 38:28 - Songhai de Gao Bible

²⁸ Ncirɲi goo nda baaba wala? May no ma harandaŋ lotey tee?

Ayuba 38:28 ပူးပေါင်းရင်းမြစ်များ

Šintinoo 27:28

Yala Irkoy ma ni noo beenaa gomnoo nda laboo albarkaa. Alkama nda alaneb hari masi jaŋ ni do!

Šintinoo 27:39

Baaboo nʼa zaabi ka nee: «Guna, ni gorodogoo ga mooru labu albarkantey nda beenaa gomnoo.

Samiyel 2to 1:21

Gilbowa tondi hondey, yala ncirɲi nda harandaŋ masi kaŋ war boŋ, faari masi hay ni do, zama no din ra asajawey koraa žiibi, Sawul koraa si yee ka yonandi nda jii.

Kokoyey 1na 17:1

Aru foo goo Tišib koyraa ra, Galad gandaa ra, maaɲoo ti Ilyasu, a nee Akab se: «Ay ga žee nda Abadantaa, Izirayel Koyoo kaŋ ga huna maaɲoo, Koyoo kaŋ goyoo ra ay goo, jiirey wey ra, harandaŋ si tee, ncirɲi si kaŋ, kala nda agay hunday kaa ka šelaŋ.»

Ayuba 29:19

Ay linjey ga koy haroo here, harandaŋoo ga cijinoo tee ay fitawey ga.

Ayuba 36:27

Nga no ma hari lotey cendi i ma žigi beene kʼi sosogu i ma tee ncirɲi ka kaŋ.

Ayuba 36:28

Duulawey ga haroo naŋ a ma kaŋ, i gʼa doori adamizey jamaa ga.

Ayuba 38:8

May no ka teekoo daabu nda ganbuyaŋ waatoo kaŋ a ga hun ɲaŋoo gundoo ra,

Zaburey 147:8

A ga beenaa daabu nda duula, a ga ncirɲi soolu laboo se, a ga subu zayandi tondi hondey ra.

Yaasawey 3:20

Nga bayraa ka aduɲɲa guusu beerey feeri, de duulawey ga harandaŋ loti-loti.

Matiyu 5:45

hala war ma tee ize war Baabaa Irkoy kaŋ goo beenaa ra se, zama a ga nga waynaa fattandi boro laaley nda ihenney se, a ga ncirɲi kaŋandi boro šerrantey nda wey kaŋ si šerre se.

Alhukumoo 33:13

Isufi ga, a nee: «Abadantaa na albarka daŋ nga gandaa ra nda beenaa gomnoo, nda harandaŋoo nda gandaa guusoo haroo,

Alhukumoo 33:28

Izirayel ga goro nda lakkalkanay. Yakuba hariɲaŋoo sii kala jere ga alkama nda alaneb hari ganda ra, nga beenaa ga harandaŋ zumandi.