Ayuba 37:22 - Songhai de Gao Bible

²² Gaay kaŋ ga hima wura ga nere ka hun hawsa here. Irkoy daržaa ga hunburandi!

Ayuba 37:22 ပူးပေါင်းရင်းမြစ်များ

Taarikey 1na 29:11

Abadantaa, jeeray, nda hini, nda darža, nda annuura, nda beeray manʼti kala ni wane, zama haya kul kaŋ goo beenaa ra nda laboo ga, i kul ti ni wane Abadantaa. Kokoytaray mo ti ni wane, Abadantaa. Ni goo haya kul boŋ.

Ayuba 37:21

Sohõ da ir si dii gaayoo kaŋ ga nere duulawey dumaa ga, amma hew foo bisa kʼi tuusu.

Ayuba 37:23

Ir si hin ka too hala Hini-kul-koyoo do, nga hinoo ga beeri, nga šerretaraa nda nga laadirtaraa ga beeri, a si boro binoo maray.

Ayuba 40:10

Ay gʼa wiri ni ga, ma ni boŋ taalam nda beeray nda darža, darža nda jeryan daŋ ni ga sanda darbay!

Zaburey 104:1

Ay hundoo, albarka tee Abadantaa se! Abadantaa, ay Koyoo, nʼga hanse ka beeri, beeray nda daržaa goo ni ga sanda bankaaray.

Zaburey 145:5

ka ni daržaa annuurante beeroo har. Ay ga miile ni teegoy kayfantey ga.

Zaburey 29:4

Abadantaa jindoo ga fatta nda hini, Abadantaa jindoo ga fatta nda darža.

Zaburey 66:5

Wa kaa ka dii Irkoy teegoyey! Nga haya beerey kaŋ a nʼi tee ga adamize hunburandi.

Zaburey 68:35

Wa Irkoy gaaboo bay Izirayel ga, wa nga boŋkoynitaraa nda nga gaaboo bay duulawey ra.

Zaburey 76:12

Wa meefur zaa Abadantaa, war Koyoo se, war mʼi kaa! Yala boro kul kaŋ gʼa kuubi kʼa bere ma gomniyaŋ noo Hunburandikaa se!

Zaburey 89:8

Irkoy ga hunburandi boro henanantey margaroo ra, a ga beeri, hunburhaya no borey se kaŋ gʼa kuubi kʼa bere.

Zaburey 93:1

Abadantaa ti kokoy, beeray ti nga bankaaraa, Abadantaa na bankaaray daŋ, gaabi ti nga gamahawoo. Woo se aduɲɲa ga kay nga dogoo ra, a si ɲuuti.

Yaasawey 25:23

Takaa kaŋ nda hawsa here hewoo ga ncirɲi hay, deene kaŋ ga ciinay ga boro futandi.

Eberewey batagaa 1:3

Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.

Eberewey batagaa 12:29

Zama ir «Irkoy manʼti kala nuune beeri».

Žud batagaa 1:25

Irkoy follokaa, ir Hallasikaa, Isa Almasihu ir Koyoo albarkaa ra, darža, nda beeray, nda gaabi, nda hini ma bara a se za zamaney mana tee, nda sohõ da, hala abada. Amin.