Ayuba 37:13 - Songhai de Gao Bible

¹³ A ga hima nda gobu nda a ga laboo kar, wala mo nga borohennataraa no a gʼa cebe i se.

Ayuba 37:13 ပူးပေါင်းရင်းမြစ်များ

Samiyel 2to 21:10

Aya ize woyoo Rispa na saaku kasa zaa kʼa daaru tondoo boŋ, za hegaa šintinoo ga ka koy hala ncirɲoo waati. Zaaroo kul a ga beenaa cirawey gaaray i masi zunbu a ga, cijin here a ga ganjihoogawey gaaray.

Samiyel 2to 21:14

I nʼi sutura Sawul birey nda nga izʼaroo Žonataŋ birey bande Benžameŋ gandaa ra Sela, Sawul baabaa Kiš saaraa ra. Haya kul kaŋ kokoyoo nʼa har, i gʼa tee. Woo banda ga, Irkoy na gandaa ŋaarayroo taa.

Kokoyey 1na 18:41

Ilyasu nee Akab se: «Koy ŋaa ka haŋ, zama jiŋjiŋyanoo woo kaŋ nʼga maarʼa, hirri no.»

Kokoyey 1na 18:45

Waati kayna banda ga, beenaa kul bibi nda duula. Hewoo tun, ncirɲi beeri kaŋ. Akab žigi nga torkaa ga ka koy Žizireyel.

Ezra 10:9

Jirbi hinza banda ga, Žuda nda Benžameŋ arey kul marga Žerizalem. Woo mana teendi kala handu yaggantoo jirbi warankantoo (20to) ra. Jamaa kul ga goro Irkoy hugoo farroo ra, i ga jijiri hayaa woo maaganda, nda ncirɲoo maaganda se.

Ayuba 36:31

Hayey wey nda a ga gandawey ciiti, a ga hunay boobo noo.

Ayuba 37:14

Ayuba, haŋajer woo se! Kay ka miile Irkoy teegoy kayfantey ga!

Ayuba 37:6

A ga nee neežoo se: ‹Kaŋ laboo ga!› A ga ncirɲi yaamar, ba ncirɲi beerey.

Zaburey 65:10

Nʼga huga nda laboo kʼa noo ncirɲi, nʼga alman kʼa too. Irkoy gooroo ga too nda hari, takaa woo nda nʼga laboo soolu kʼa noo taasu.