Ayuba 36:7 - Songhai de Gao Bible

⁷ A si nga moɲey kaa boro šerrante ga, a gʼi gorandi kokoyey bande fuulaa ra, a gʼi gorandi kʼi tabatandi hala i ma jer.

Ayuba 36:7 ပူးပေါင်းရင်းမြစ်များ

Šintinoo 23:6

«Haŋajer ir se, ir koyoo! Ni manʼti kala boŋkoyni kaŋ Irkoy nʼa daŋ ir gamey ra. Ni bukaa sutura ir saarawey kul ihennaa ra. Boro sii ir ra kaŋ ga ni ganji ma ni bukaa sutura nga saaraa ra.»

Šintinoo 41:40

Nʼga huru ay laamaa jine, gandaa kul ga haŋajer ma ne. Kokoytaray fuulaa hinne no mʼay ka bisa ni.»

Taarikey 2to 16:9

Zama Abadantaa moɲey ga aduɲɲa kul yaara ka guna borey kaŋ ga nga gana nda ngi biney kul, hala nga mʼi faaba. Woo ra nʼna lakkal jaŋante goy tee. Hõ banda ga, nʼsi fay nda wongu.»

Ester 10:3

Zama Alyahuudoo Mardoše tee boraa kaŋ ga kaa kokoyoo dumaa ga nga hinoo ra. Nga ti Alyahuudey kul boro beeroo. Nga armey jamaa ga bagʼa. A ga baa nga jamaa gomnoo, a ga goy hala nga dumoo kul ma duu alaafiya.

Ayuba 1:3

A goo nda adabba kur, alman buuna boŋ zenber iyye (7.000), nda yoo zenber hinza (3.000), nda haw hinka-hinka kobsi zangu guu (500), nda farka woy zangu guu (500), nda tam boobo. Borey kul kaŋ goo waynahunay here aroo woo goo nda beeray ka bisa i kul.

Ayuba 22:29

Nda boroyaŋ kaŋ, nʼga nee: ‹Wa tun ka kay, Irkoy ga boraa jer kaŋ na nga boŋ yeeti ganda.›

Ayuba 31:4

Irkoy si dii ay dira takaa wala? A sʼay cee diraa kul kabu wala?

Ayuba 4:7

Ay gʼa wiri ni ga, ma hongu, may ti boraa kaŋ ga henan kaŋ halaci? Wala boro šerranteyaŋ kaŋyaŋ dere?

Ayuba 42:12

Abadantaa na albarka daŋ Ayuba kokoroo ra ka bisa nga šintinoo waati. A duu alman buuna boŋ zenber woy cindi taaci (14.000), nda yoo zenber iddu (6.000), nda haw kobsi hinka-hinka zenber foo (1.000) nda farka woy zenber foo (1.000).

Ayuba 5:11

A ga borey jer kaŋ goo ganda, borey kaŋ biney hasara no ma hallasi.

Zaburey 33:16

Kokoy sii no kaŋ wongu-ize boobo gʼa hallasi, Wongaari gaabi beeroo sʼa kaa.

Zaburey 33:18

Nga ne, Abadantaa moɲey sii kala borey ga kaŋ ga hunbur a, i ga kabu nga borohennataraa ga.

Zaburey 34:15

Ma mooru ifutu ka ihenna tee, ma alaafiya ceeci ka gaabandi a bande.

Zaburey 34:16

Abadantaa moɲey sii kala boro šerrantey ga, a ga haŋajer ngi faaba ceeci kaatiroo se.

Zaburey 41:12

Nda agay iberoo mana ɲaali kaatiyaŋ tee kaŋ nga hin agay, woo ra ay ga bay kaŋ ay ga kan ma ne.

Tesalonik borey bataga 2to 3:3

Amma ir Koyoo ga laadir, a ga war noo gaabi ka war soolam boro laalaa ra kaŋ ti Ibilisi.

Piyer bataga 1na 3:12

Zama ir Koyoo moɲey sii kala boro šerrantey ga, a ga haŋajer ngi ŋaarayroo se. Amma ir Koyoo ga nga ndumoo bere ifutu teekey se.»

Samiyel 1na 2:8

Yalaafantey kaŋ goo kusaa ra, a gʼi tunandi, a ga talkaa jer kʼa kaa žiiboo ra kʼa gorandi boŋkoyney bande. A gʼi noo i ma kokoy fuula daržante tubu. Zama Abadantaa wane nda laboo ganjey, ngi ga a na aduɲɲa gorandi.