Ayuba 36:3 - Songhai de Gao Bible

³ Ay gʼay bayraa ceeci nongu mooro ra ka šelaŋ kʼay Takakaa noo cimi.

Ayuba 36:3 ပူးပေါင်းရင်းမြစ်များ

Ayuba 32:2

Waatoo woo, Barakel kaŋ ti Buz alkabiilaa boro, kaŋ si hun kala Ram alaayan beeroo ra, nga izʼaroo Elihu hanse ka futu. A hanse ka futu Ayuba ga, zama Ayuba ga nga boŋ dii šerrante Irkoy jine.

Ayuba 32:8

Amma nda cimi, hundoo kaŋ goo adamize ra, manʼti kala Hini-kul-koyoo hunsaroo kaŋ ga adamize noo fahamay.

Ayuba 34:5

Zama Ayuba ka nee kaŋ nga ga henan, amma Irkoy na nga cimoo taa nga kone.

Ayuba 36:2

«Ay batu kayna, ay ga ni fahamandi, zama haya goo ay do kaŋ ay ga baa yʼa har ma ne Irkoy sabboo se.

Ayuba 37:23

Ir si hin ka too hala Hini-kul-koyoo do, nga hinoo ga beeri, nga šerretaraa nda nga laadirtaraa ga beeri, a si boro binoo maray.

Ayuba 4:17

‹Adamize ga hin ka šerre ka bisa Irkoy wala? Boro ga hin ka henan ka bisa boraa kaŋ nʼa tee wala?

Ayuba 8:3

Irkoy ga ciiti barmay wala? Hini-kul-koyoo ga šerretaray barmay wala?

Zaburey 11:7

Zama Abadantaa ga šerre, a ga baa haya kaŋ teendi nda šerretaray, boro šerrantey no ma dii nga ndumoo.

Zaburey 145:17

Abadantaa ga šerre nga fondawey kul ra, a ga laadir nga teegoyey kul ra.

Matiyu 12:42

Gurma here kokoy woyoo ga tun kayandoo hane, nga nda zamanoo woo izey, a ga alhukum zurandi i ga, zama a nka hun aduɲɲa kanjoo ga ka kaa ka haŋajer Sulaymaana lakkaloo se. Sohõ boro ne kaŋ bisa Sulaymaana.»

Rom borey batagaa 9:14

Macin no ir ma nee? Irkoy nka si šerre? Abada!

Alhukumoo 32:4

Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.

Žak batagaa 1:17

Nooyan henna kul nda nooyan timmante kul si hun kala beene, gaayey Baabaa do. Nga kaŋ si barmay, a si tee bii kaŋ ga bere-bere.

Žak batagaa 1:5

Nda boro goo war ra kaŋ sii nda lakkal, a mʼa wiri Irkoy ga kaŋ ga borey kul noo nda kabedoonay bila citi, a gʼa noo a se.

Žak batagaa 3:17

Lakkaloo kaŋ hun beene, haya jinaa ti, a ga henan, a ga alaafiya noo, a ga boro tee boro boryo, a ga waafakay ceeci, a ga too met nda hinnari nda teegoy henna, a si borey daŋ cere jine, almunafikitaray sii a ra.

Bangandiroo 15:3

I ga Musa, Irkoy tamoo doonoo, nda Feeji-izoo doonoo don ka nee: «Ir Koyoo Irkoy, Hini-kul-koyoo, ni teegoyey ga beeri, i ga kayfandi. Gandawey Kokoyoo, ni fondawey ga šerre, cimiyaŋ no!