34 Adamize lakkalkoyney nda boro fahamantey kaŋ ga haŋajer ya ne ga nee ya ne:
Woo se adamize lakkalkoyney, wa haŋajer ya ne! Irkoy nda goy futu ga mooru cere. Hini-kul-koyoo nda šerre jaŋay ga mooru cere.
Nda ni goo nda lakkal, haŋajer woo se, ma lakkal daŋ ay šenney se!
«Lakkalkoyney, wa haŋajer ay šenney se! War kaŋ goo nda bayray, wa war haŋawey kayandi hayaa kaŋ ay gʼa har se!
Irkoy mma boro bana ka sawa nda boraa ibaayoo wala? Ni ka si yadda a ga. Ni no ma suuba, manʼti agay no! Aywa, hayaa har kaŋ nʼgʼa bay!
‹Ayuba si haya bay kaŋ nga gʼa har, nga šenney sii nda addalil.
Woo ga, ir ma hayaa suuba ir boŋ se kaŋ ti cimi, cere bande ir ma hayaa bay kaŋ ga boori.
Ya mma šelaŋ war se sanda boroyaŋ kaŋ goo nda lakkal. War hunday ma hayaa guna kaŋ ay gʼa har.