Ayuba 31:25 - Songhai de Gao Bible

²⁵ Ya nka fooma nda agʼarzakaa, nda almanoo kaŋ ay kabey nʼi noo ya ne wala?

Ayuba 31:25 ပူးပေါင်းရင်းမြစ်များ

Ester 5:11

Haman filla i se haya kaŋ ti alman beeroo kaŋ goo nga se, nda izʼarey hinnaa, nda takaa kul kaŋ nda kokoyoo na nga jer boŋkoyney nda kokoyoo borey kul jine.

Ayuba 1:10

Manʼti ni no ka nga, nda nga hugoo borey, nda haya kul kaŋ goo maaɲoo ga kali kʼi sutura wala? Nʼna albarka daŋ nga kabe goyoo ra, nga almaney goo gandaa kul ra.

Ayuba 1:3

A goo nda adabba kur, alman buuna boŋ zenber iyye (7.000), nda yoo zenber hinza (3.000), nda haw hinka-hinka kobsi zangu guu (500), nda farka woy zangu guu (500), nda tam boobo. Borey kul kaŋ goo waynahunay here aroo woo goo nda beeray ka bisa i kul.

Ayuba 22:24

Wuragoo warra laboo ra, Ofir gandaa wuragoo fur gooroo tondey ra,

Zaburey 62:10

Adamize manʼti kala hew, boro manʼti kala yaada. Ba nda i nʼi daŋ neešihaya ga, i kul cere ra, i ga don nda hew, i ga koy beene.

Yaasawey 23:5

Ni moɲey mma bara alman bande wala? A sii no, zama a na fatayaŋ tee, sanda dutal, a deeši ka koy beenaa here.

Luka 12:19

Woo banda ga, ay ga nee ay boŋ se: ‹Ay baakaa, arzaka boobo fanjandi ma ne jiiri booboyaŋ se: ni boŋ hunanzam, ŋaa, ma haŋ, ma yafarhã.›

Luka 16:19

«Aru foo kaŋ goo nda alman, darbay šukka ciray nda šukka baana hay šendayaŋ no a gʼi daŋ. Zaari kul ɲaaliyan ra a ga huna, a ga maakaani.

Luka 16:25

Ibirahima nee a se: ‹Ay izoo, hongu kaŋ ni duu ni bagaa gomnoo ni hunaroo ra, amma Lazar laazaaba, sohõ binoo yay, ni, ni goo ma zarabi.

Samiyel 1na 10:7

Waati kaŋ tammaasawey wey bangay ni ga, hayaa tee kaŋ huru ni boŋoo ra, zama Abadantaa goo ni bande.