Ayuba 30:23 - Songhai de Gao Bible

²³ Ay ga bay, ni mma mʼay ka koy buuyan ga kaŋ ti nongoo kaŋ ra hundikoyney kul ga koy.

Ayuba 30:23 ပူးပေါင်းရင်းမြစ်များ

Šintinoo 3:19

Ni sungaa ra nʼga duu ni meeŋaaroo hala ma yee laboo kaŋ ra ni zandi, zama labu ti ni, de mo laboo ra nʼga yee.»

Samiyel 2to 14:14

Šikka sii ir ga buu, sanda takaa kaŋ nda hari kaŋ mun laboo ga si kuunandi. Irkoy si baa nga ma hundi kaa, amma a nka dabari tee kaŋ ra boro kaŋ i nʼa gaaray kʼa moorandi nga, ma yee kate nga ga.

Ayuba 10:8

Ni kabey kʼay hanse, ngi kʼay kul tee, amma nʼgʼay halaci.

Ayuba 14:5

Adamize aloomuroo goo nda kaydoo, ni no ma nga handey hinnaa bay, nʼna kaydoo daŋ a se kaŋ ga a si hin ka bisa.

Ayuba 21:33

Gooroo labudiinoo ga ban a se, borey kul goo dumaa ga, boroyaŋ kaŋ si kabandi kaa a jine.

Ayuba 3:19

Boro beerey nda ikaccey goo no din, baɲɲaa feeri ka hun nga koyoo hinoo cire.

Ayuba 9:22

Woo kul, ay si kula! Woo se ay ga nee: ‹A ga laadirantaa nda boro laalaa kul halaci.›

Waazukaa 8:8

Boro kul si nga hundoo may kʼa ganji a ma hun, boro kul sii nda hini nga buuyanoo zaaroo se. Wongu no kaŋ boro si hun a ra. Goyfutu teekaw goyfutaa si hin kʼa kaa.

Waazukaa 9:5

Borey kaŋ ga huna ga bay kaŋ ngi ga kaa ka buu, amma bukawey si haya kul bay, ngi, banaw sii i se koyne, zama i dirɲa ey.

Eberewey batagaa 9:27

A dunbandi kaŋ adamize kul si buu kala cee folloku jina ciitoo ma kaa.

Žozuwe 23:14

Nga ne, hayaa kaŋ gʼay batu goo hundikoyni kul jindoo ga. Sohõ ay koyroo waatoo too. War ma war binoo kul nda war hundoo kul ka bay kaŋ šenni henney kul kaŋ Abadantaa nʼi har war ga, ba affoo mana cindi kaŋ mana tee, i kul teendi war ga, affoo mana cindi kaŋ mana teendi.