Ayuba 3:13 - Songhai de Gao Bible

¹³ Nda manʼti woo, hõ gar ay kani, ay ga lakkalkanay, ay ga jirbi, ay ga hunanzam,

Ayuba 3:13 ပူးပေါင်းရင်းမြစ်များ

Ayuba 10:21

hala ay ga koy nongoo kaŋ ra ay si yee koyne ka willi kate, kubay biboo nda buuyan biyoo gandaa ra,

Ayuba 10:22

kubay komaa gandaa ra, buuyan biyoo kaŋ ra fondo sii, kaŋ ra gaayoo ga hima nda kubaa.»

Ayuba 14:20

Nʼgʼa kaŋandi hala abada, a ga koy, nʼga nga ndumoo bere, nʼgʼa taŋ a ma koy.

Ayuba 16:22

Zama agay aloomuroo goo ma ben, ay ga fondo zaa kaŋ nda ay si willi kate koyne.»

Ayuba 17:13

Nongoo kaŋ ay gʼa tammahã, manʼti nga ti alaahara? Kubaa ti ay kanidogoo.

Ayuba 19:25

Agay, ay ga bay kaŋ ay faasakaa ga huna, de mo kokoray ra a ga tun laboo ga ka nga boŋ cebe.

Ayuba 19:27

Agay, ay ga kaa ka dii a, ay moɲey ga kaa ka dii a, manʼti boro tana, ay teeley ga zarga ay gundoo ra.

Ayuba 21:13

Ngi hunaroo ga ben gomni ra, dogoo din da i ga zunbu alaahara.

Ayuba 21:23

Boro fooyaŋ ga buu nda ngi gaaboo, i si alhuzun, biney ga kan,

Ayuba 21:26

Cere bande i ga kani laboo cire, nooney goo i se nongoo kul here.

Ayuba 24:19

Sanda takaa kaŋ nda kogay nda konnoo ga neeži hari kogandi, takaa din da alaahara ga zunubantey derandi.

Ayuba 24:20

Gundoo kaŋ ra a hun dirɲa a, nooney ga maakaani a ra. Šerretaray jaŋay ka kayri sanda tuuri.

Ayuba 26:5

Bukawey ga jijiri teekoo cire nda borey kaŋ goo a ra.

Ayuba 26:6

Nga do alaahara sii nda sirri, guusu futaa sii nda daabirji.

Ayuba 3:12

Macin se kanjeyaŋ duwandi kʼay zaa macin se fafayaŋ duwandi kʼay naanandi?

Ayuba 34:22

Kubay biboo nda buuyan biyoo kul sii no kaŋ ra borey kaŋ ga šerretaray jaŋay tee ga hin ka tugu.

Ayuba 7:21

Macin se nʼsʼay tooɲaa yaafa ya ne, kʼay layboo naŋ ya ne? Zama sohõ, ay ga koy kani laboo cire, nʼgʼay ceeci, amma ay sii no.»

Waazukaa 9:10

Haya kul kaŋ ni kaboo ga hin kʼa tee, a tee, zama alaahara kaŋ ra nʼga koy, teegoy sii no, laasaabu sii no, bayray sii no, lakkal sii no.