Ayuba 29:8 - Songhai de Gao Bible

⁸ Nda aru soogey dii agay, i ga tugu, aru žeeney ga tun ka kay.

Ayuba 29:8 ပူးပေါင်းရင်းမြစ်များ

Ayuba 29:7

Waatoo din ay fatta ka koy koyraa miɲoo ga de ay gʼay gorodogoo tee farroo ra.

Ayuba 29:9

Boŋkoyney ga ngi šenney kayandi de i ga ngi kabey daŋ ngi miɲey ga.

Yaasawey 16:31

Hinbiri kaaray ga hima nda kokoy fuula daržante, šerretaray fondaa ga a ga duwandi.

Yaasawey 20:8

Kokoy kaŋ ga goro nga kokoy gorodogoo ra ka ciiti ga nga moo gunayanoo ka hayey faaru ka ifutu kul kaa i ra.

Sargarey 19:32

Ma aladabu hinbiri kaaraykoyni jine, ma boro žeena beerandi, ma hunbur ni Koyoo. Agay ti Abadantaa.

Rom borey batagaa 13:7

Boro foo kul woo kaŋ nda a ga hima, war mʼa tee a se, alkaasidiikaa, ir ma alkaasoo bana a se, saaladiikaa, ir ma saalaa bana a se. Boraa kaŋ boro ga hima ka hunbur a, ma hunbur a. Boraa kaŋ ga hima nda beeray, ma beerandi.

Tit batagaa 3:1

Ganakey hongandi i ma yee jineborey nda hinoo borey se ganda, i ma haŋajer i se, i ma soolu teegoy henna dumi kul teeyan se.

Piyer bataga 1na 2:17

Wa adamizey kul beerandi, wa baa war armey, wa hunbur Irkoy, wa kokoyoo beerandi.

Piyer bataga 1na 5:5

Takaa din da, war mo soogey, wa yee ganda boro beerey se. War nda cere, war kul ma boŋ-yeeti-gandayan tee sanda darbay, zama Citaaboo nee: «Irkoy ga binebeerey gandu, amma a ga alhormo tee borey se kaŋ ga ngi boŋ yeeti ganda.»