Ayuba 27:20 - Songhai de Gao Bible

²⁰ Balaawu ga kaŋ a ga sanda ncirɲi, hewkur gʼa zaa cijinoo ra.

Ayuba 27:20 ပူးပေါင်းရင်းမြစ်များ

Kokoyey 2to 19:35

Cijinoo woo, Abadantaa almalaykaa fatta ka aru zenber zangu nda zenber woyyaaha cindi guu (185.000) kar Asiri borey kaloo ra. Waatoo kaŋ ra i tun subbaahi biyaa ra, bukawyaŋ goo nongoo kul ra.

Ayuba 15:21

Kaati kaŋ ga hunburandi ga hẽe haŋawey ra, ba alaafiya waati kayrakaw ga kaŋ a ga.

Ayuba 18:11

Nongoo kul here hunburay ga kaŋ a boŋ, a ga hanga a cee nda cee.

Ayuba 20:23

Ka gar a goo ma nga boŋ kungandi, Irkoy ga nga futuroo warra a ga, a gʼa doori nga hamoo ga.

Ayuba 20:8

A ga dere sanda handiri, boro si yee koyne ka dii a, i gʼa gaaray sanda bangayyan kaŋ teendi cijin here.

Ayuba 21:18

Yala i ma hima nda subu kaŋ hewoo gʼa zaa, sanda kokoši kaŋ hew beeri gʼa zaa.

Ayuba 22:16

I nʼi dii za waatoo mana too, ngi asaasey ga hima nda isa kaŋ ga mun.

Ayuba 24:18

War ga nee kaŋ haroo ga koy nda boro futu nda gaabi, laaliyan ti nga bagaa laboo ga, a si yee ka alaneb faarey fondaa zaa.

Ayuba 34:20

I ga buu dogoo din da, cijin bine jama ga tun ka ture, woo banda ga, i ga dere. Gaabikoyni ga hibandi bila boro kabe ma too a do.

Zaburey 18:4

Ay ga kaati ka nee: ‹Albarka ma bara Abadantaa se!› Ay hallasi agay iberey ra.

Zaburey 42:7

Ay Koyoo, ay binoo ga hẽe, woo maaganda se ay ga hongu ni za Žurdeŋ isaa gandaa ra, za Mitiseyar tondi hondoo boŋ kaŋ goo Hermoŋ tondi hondey ra.

Zaburey 83:16

takaa din da i gaarandi nda ni kusaa, mʼi hunburandi nda ni hew futaa.

Zaburey 90:5

Nʼga adamizey haabu kʼi benandi, i ga hima nda dusungu jirbi. Subbaahoo ra i ga hima nda subu kaŋ ga zay,

Fattaroo 12:29

Cijinoo gamoo ra, Abadantaa na Misira gandaa gunde jinawey kul kar kʼi wii, kʼa zaa za Firawuuna kaŋ ga goro kokoytaraa ra gunde jinaa hala kasa-izoo kaŋ goo kasaa ra gunde jinaa, nda adabba kul gunde jinaa.

Yunusa 2:3

A nee: «Ay binemarayyanoo ra, ay na Abadantaa cee, a nʼay zaabi, alaahara gundoo ra, ay kaati ka faaba ceeci, nʼna haŋajer ya ne.