Ayuba 27:2 - Songhai de Gao Bible

² «Ay ga žee nda Irkoy kaŋ ga huna maaɲoo kaŋ nʼay cimoo taa ay kone, nga kaŋ ti Hini-kul-koyoo kaŋ nʼay hundoo torro.

Ayuba 27:2 ပူးပေါင်းရင်းမြစ်များ

Samiyel 2to 2:27

Žowab nee: «Ay ga žee nda Irkoy kaŋ ga huna maaɲoo, nda ni nka mana šelaŋ, borey si fay nda ka ngi armey gaarandi hala subbaahi.»

Kokoyey 1na 17:1

Aru foo goo Tišib koyraa ra, Galad gandaa ra, maaɲoo ti Ilyasu, a nee Akab se: «Ay ga žee nda Abadantaa, Izirayel Koyoo kaŋ ga huna maaɲoo, Koyoo kaŋ goyoo ra ay goo, jiirey wey ra, harandaŋ si tee, ncirɲi si kaŋ, kala nda agay hunday kaa ka šelaŋ.»

Kokoyey 1na 18:15

Ilyasu nee: «Ay ga žee nda Abadantaa, Aduɲɲakoyoo kaŋ ga huna maaɲoo, nga kaŋ goyoo ra ay goo, kaŋ hõ ay ga koy Akab do.»

Kokoyey 2to 4:27

Za kaŋ woyoo too kate Irkoy boraa jere hondoo boŋ, a na Irkoy boraa cewey dii. Gehazi man woyoo kʼa hibi, amma Irkoy boraa nee: «Fay nda a, binoo mmʼa maray. Abadantaa mana woo cebe ya ne, a manʼa bayrandi ya ne.»

Ayuba 10:3

Ni do a ga boori mʼay šiita wala? Kʼay faraa bagaa fur, ka boro laaley goyey faaba ka boori wala?

Ayuba 16:11

Irkoy nʼay daŋ boro laalayaŋ kabey ra, a nʼay kaŋandi boro yaadayaŋ kabey ra.

Ayuba 19:6

war ma bay kaŋ Irkoy no mʼay laazaaba, kʼay didiji nga filijoo ra.

Ayuba 23:16

Irkoy kʼay binoo kaa, Hini-kul-koyoo nʼay hunburandi.

Ayuba 34:5

Zama Ayuba ka nee kaŋ nga ga henan, amma Irkoy na nga cimoo taa nga kone.

Ayuba 35:2

«Nʼga hongu ni goo nda cimi ka nee: ‹Ay ga šerre ka bisa Irkoy.›

Ayuba 40:8

Nʼga baa ma nee kaŋ ay ciitoo si henan? Nʼga baa ma nee kaŋ ay tooɲe, ka ni boŋ noo cimi?

Ayuba 9:17

nga kaŋ ga burbusu kʼay motti bila addalil, bila addalil a ga tonton ay dorey ga,

Ayuba 9:18

a si naŋ ya hunsar, takaa kaŋ nda a gʼay too nda hottayyaŋ.

Kabuyaney 14:21

Amma ay ga žee ay hunaroo ga nda Abadantaa daržaa kaŋ ga laboo kul too ga,

Rutti 3:13

Sohõ kani ne hala moo ma boo. Nda moo boo, ir ga kaa ka bay wala aroo din kaŋ ga man ni baaba-izetaray ka bisa agay, ga baa nga ma ni zaa jina. Nda a yadda, a boori, a mʼa tee. Amma nda a si kan a se, ay ga žee nda Abadantaa kaŋ ga huna maaɲoo kaŋ ay ga ni zaa. Kani hala moo ma boo.»

Samiyel 1na 14:39

Ay ga žee nda Abadantaa kaŋ ga huna maaɲoo, Izirayel Hallasikaa, ba nda ay izoo Žonataŋ no kʼa tee, šikka sii a ga buu.» Amma jamaa kul ra boro mana tuuru a se.

Samiyel 1na 14:45

Jamaa nee Sawul se: «Macin, Žonataŋ ga buu, nga kaŋ na hallasi beeroo woo noo Izirayel se, abada! Ir ga žee nda Abadantaa kaŋ ga huna maaɲoo, ba hinbiri ize foo si hun boŋoo ra ka kaŋ laboo ra, zama Abadantaa bande a goy hõ.» Takaa woo nda jamaa na Žonataŋ soolam, a mana buu.

Samiyel 1na 20:21

Nga ne, ay ga aru soogaa sanba, ay ga nee a se: ‹Koy biraw-izey ceeci.› Nda ay nee a se kaaray: ‹Guna, ni bisa biraw-izey ga, i zaa›, adiši kaa, haya kul si duu ni, masi hunbur haya kul, ay ga žee nda Abadantaa kaŋ ga huna maaɲoo.

Samiyel 1na 25:26

Sohõ ay koyoo, ay ga žee nda Abadantaa kaŋ ga huna maaɲoo nda ni maaɲoo, Abadantaa ka ni ganji ma kuri mun, ka ni boŋ faasa. Ay koyoo, yala ni iberey nda borey kaŋ ga ceeci kʼi ifutu tee ma ne, ma tee sanda Nabal.

Samiyel 1na 25:34

Ay ga žee nda Abadantaa, Izirayel Koyoo kaŋ ga huna maaɲoo kaŋ nʼay ganji ya ifutu tee ma ne, nda manʼti kaŋ ni cahã ka kaa kʼay kubay, ne nda alfazar ba aru foo si cindi Nabal borey ra.»