Ayuba 25:4 - Songhai de Gao Bible

⁴ Taka foo nda adamize ga hin ka tee šerrante Irkoy jine? Taka foo nda boro kaŋ woy nʼa hay ga henan?

Ayuba 25:4 ပူးပေါင်းရင်းမြစ်များ

Ayuba 14:1

«Woy boro ka adamize hay, nga aloomuroo ga kacca, a ga too nda alhuzun.

Ayuba 9:2

«Cimi no, ay ga bay kaŋ takaa woo da no, taka foo nda boro ga hin ka tee šerrante Irkoy jine?

Zaburey 130:3

Abadantaa, nda a gar ni mmʼir laybey guna, ay Koyoo, may no ma hin ka kay ni jine?

Zaburey 143:2

Masi ciiti agay, ni tamoo bande, zama baahunante kul si šerre ni jine.

Zaburey 51:5

Zama ay yadda ay tooɲeyaney ga, de mo waati kul ay zunuboo goo ay jine.

Rom borey batagaa 5:1

Sohõ Irkoy gʼir dii boro šerrante naanaa albarkaa ra. Ir Koyoo Isa Almasihu na alaafiya daŋ ir nda Irkoy game.

Korent borey bataga 1na 6:11

Woo ti haya kaŋ war affooyaŋ cindi ka ti a. Amma war ɲumayandi, war jisandi jere ga Irkoy se, war tee boro šerranteyaŋ ir Koyoo Isa Almasihu maaɲoo nda Irkoy Hundoo albarkaa ra.

Efez borey batagaa 2:3

Ir mo cindi i ra, ir nda ey kul marga ka hanga hayey kaŋ hundi gʼi boonay, nda nga ibaayey, nda ir miilewey bande. Ir azzaatoo kate ir ma tee sanda borey cindey kaŋ ti boroyaŋ kaŋ goo Irkoy futayyanoo cire.

Yehiya bataga 1na 1:9

Nda ir yadda ir zunubey ga, ir nʼi har, Irkoy ga laadir a ga šerre kʼir zunubey yaafa ir se ka ifutu kul kaa ir ga kʼir henanandi.

Bangandiroo 1:5

nda Isa Almasihu kaŋ ti seede laadirantaa, nga ti boro jinaa kaŋ tun ka hun bukawey ra, nga ti kokoyey boŋkoynoo laboo ga. Nga ti boraa kaŋ ga baa ir, de a nʼir feeri kʼir kaa ir zunubey ra nda nga kuroo.